ഇന്ത്യയിലെ ഏറെ പ്രചാരം നേടിയ ടെലിവിഷന്‍ സീരിസായ സ്‌കാം 1992വിന് പുതിയ അംഗീകാരം. ഇന്‍റര്‍നെറ്റ്‌ മൂവി ഡാറ്റാബേയ്‌സിന്‍റ കണക്ക് പ്രകാരം ലോകത്തെമ്പാടുമായി ഏറ്റവും കൂടുതല്‍ റേറ്റ് ചെയ്യപ്പെട്ട പത്ത് ടെലിവിഷന്‍ ഷോകളില്‍ ഒന്നായിട്ടാണ് ഈ ഇന്ത്യന്‍ സീരിസ് തെരഞ്ഞെടുക്കപ്പെട്ടിരിക്കുന്നത്.
ഐഎംഡിബിയുടെ പട്ടികയില്‍ ഇടം നേടിയ ഓരേയൊരു ടെലിവിഷന്‍ സീരിസ് കൂടിയാണ് ഇത്. സീരിസിന് ഐഎംഡിബിയില്‍ ലഭിച്ചിരിക്കുന്ന റേറ്റിങ് 9.6 ആണ്.
'സ്‌കാം 1992, ദ ഹര്‍ഷദ് മെഹ്ത സ്‌റ്റോറി'
പ്രതിക് ഗാന്ധിയാണ് സീരിസില്‍ നായകന്‍. 2020 ഒക്ടോബര്‍ 9ന് റീലിസായതിന് പിന്നാലെ തന്നെ സ്‌കാം 1992 വലിയ പ്രേക്ഷക പ്രീതി നേടിയിരുന്നു. 3500 കോടിയുടെ സെക്യൂരിറ്റി സ്‌കാം എന്ന വിവാദ തട്ടിപ്പുകേസിന്‍റെ കഥ പറയുന്ന ഈ സീരിസ് സംവിധാനം ചെയ്‌തിരിക്കുന്നത് ഹന്‍സല്‍ മെഹ്തയും ജയ് മെഹ്തയുമാണ്. രസുമിത് പുരോഷിതും സൗരവ് ഡേയും ചേര്‍ന്നാണ് രചന. സോണി ലിവില്‍ റിലീസ് ചെയ്‌ത സീരിസില്‍ 10 എപ്പിസോഡുകളാണുള്ളത്.
Also read: വിവാദ വാര്‍ത്തകള്‍ ശരിവച്ച് നുസ്രത്ത് ജഹാന്‍റെ പുതിയ ഫോട്ടോ
