അർബുദത്തെ പൊരുതി തോൽപിച്ച് ജീവിതത്തിലേക്ക് മടങ്ങിയെത്തിയ സഞ്ജയ് ദത്തിന്‍റെ റിലീസിനൊരുങ്ങുന്ന ഏറ്റവും പുതിയ ചിത്രമാണ് 'ടോര്‍ബാസ്'. നെറ്റ്ഫ്ലിക്‌സ് അവതരിപ്പിക്കുന്ന ബോളിവുഡ് ചിത്രത്തിന്‍റെ റിലീസ് പ്രഖ്യാപിച്ചു. അടുത്ത മാസം 11ന് ചിത്രം നെറ്റ്ഫ്ലിക്‌സിലൂടെ പ്രദർശനത്തിന് എത്തുമെന്ന് ടോർബാസിന്‍റെ ട്രെയിലർ പുറത്തുവിട്ടുകൊണ്ട് അണിയറപ്രവർത്തകർ അറിയിച്ചു.
- " class="align-text-top noRightClick twitterSection" data="">
അഫ്‌ഗാനിസ്ഥാൻ പശ്ചാത്തലമാക്കി ഗിരീഷ് മാലികാണ് ചിത്രം സംവിധാനം ചെയ്യുന്നത്. നർഗീസ് ഫക്രിയാണ് ഹിന്ദി ചിത്രത്തിൽ മറ്റൊരു പ്രധാന വേഷം ചെയ്യുന്നത്. അഭയാർഥി ക്യാമ്പിലെ കുട്ടികളെ രക്ഷിക്കാനെത്തുന്ന മുൻ സൈനിക ഡോക്‌ടറെയാണ് സഞ്ജയ് ദത്ത് അവതരിപ്പിക്കുന്നത്. തീവ്രവാദത്തിൽ നിന്ന് കുട്ടികളെ രക്ഷിക്കുന്നതും അവർക്ക് ക്രിക്കറ്റ് പരിശീലനം നൽകുന്നതുമൊക്കെ ചിത്രത്തിന്‍റെ പ്രമേയത്തിൽ ഉൾപ്പെടുത്തിയിട്ടുണ്ട്. ആമസോൺ പ്രൈമിൽ റിലീസിനെത്തിയ സടക് 2വാണ് സഞ്ജയുടെ ഒടുവിൽ പുറത്തിറങ്ങിയ ബോളിവുഡ് ചിത്രം.
