സല്ലു ആരാധകര്‍ നാളേറെയായി കാത്തിരിക്കുന്ന ചിത്രമാണ് അന്തിം: ദി ഫൈനല്‍ ട്രൂത്ത്. ആരാധകരെ ആവേഷത്തിലാഴ്ത്തി ചിത്രത്തിന്‍റെ ട്രെയിലര്‍ അണിയറപ്രവര്‍ത്തകര്‍ പുറത്തുവിട്ടു. സല്‍മാന്‍ ഖാനെ നായകനാക്കി മഹേഷ് മഞ്ജറേക്കര്‍ സംവിധാനം ചെയ്യുന്ന അന്തിം: ദി ഫൈനല്‍ ട്രൂത്തിന്‍റെ ട്രെയിലറാണിപ്പോള്‍ സോഷ്യല്‍ മീഡിയയില്‍.
- " class="align-text-top noRightClick twitterSection" data="">
ഒരു പഞ്ചാബി പൊലീസിന്‍റെ വേഷത്തിലാണ് സല്‍മാന്‍ ഖാന്‍ ചിത്രത്തിലെത്തുന്നത്. ജോലിയോട് ഏറെ ആത്മാര്‍ത്ഥത പുലര്‍ത്തുന്ന അദ്ദേഹത്തിന്‍റെ ലക്ഷ്യം, തന്‍റെ പൊലീസ് സ്‌റ്റേഷന്‍ പരിധിയില്‍ വരുന്ന ഗുണ്ടാസംഘത്തെയും ഭൂമാഫികളെയും തുരത്തുക എന്നതാണ്. പൊലീസായി എത്തുമ്പോള്‍ സല്‍മാന്‍റെ സഹോദരി ഭര്‍ത്താവ് ആയുഷ് ശര്‍മ്മയാണ് ചിത്രത്തില്‍ സല്‍മാന്‍റെ എതിരാളിയായി വില്ലന്‍ കഥാപാത്രത്തെ അവതരിപ്പിക്കുന്നത്. ഒരു ഗ്യാങ്സ്‌റ്റര്‍ ആയാണ് ആയുഷ് ശര്‍മ്മ ചിത്രത്തില്‍ പ്രത്യക്ഷപ്പെടുന്നത്.
3.05 മിനിറ്റ് ദൈര്‍ഘ്യമുള്ള ട്രെയിലറില്‍ സല്‍മാന്‍ ഖാനും ആയുഷ് ശര്‍മ്മയുമാണ് ഹൈലൈറ്റ്. പുറത്തിറങ്ങി നിമിഷ നേരം കൊണ്ട് തന്നെ ട്രെയിലര്‍ സോഷ്യല്‍ മീഡിയയില്‍ വൈറലായി. 58,96,670 പേര്‍ ഇതിനോടകം തന്നെ ട്രെയിലര്‍ കണ്ടു കഴിഞ്ഞു. 3.9 ലക്ഷം ലൈക്കുകളും നേടിയ ട്രെയിലര്‍ ട്രെന്‍ഡിങിലും ഇടംപിടിച്ചു. അന്തിം ട്രെയിലര്‍ ഇപ്പോള്‍ ട്രെന്‍ഡിങില്‍ ഏഴാം സ്ഥാനത്താണുള്ളത്.
സല്‍മാന്‍ ഖാന്‍ ഫിലിംസിന്‍റെ ബാനറില്‍ സല്‍മാന്‍ ഖാന്‍ തന്നെയാണ് ചിത്രത്തിന്‍റെ നിര്‍മ്മാണം. പ്രഗ്യ ജയ്‌സ്വാള്‍, നികിതിന്‍ ധീര്‍, ജിഷു സെന്‍ഗുപ്‌ത എന്നിവരും ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കും. അതിഥി കഥാപാത്രമായി ചിത്രത്തില്‍ വരുണ്‍ ധവാനും പ്രത്യക്ഷപ്പെടും.
2018ല്‍ പ്രവീണ്‍ തര്‍ദെ സംവിധാനം ചെയ്ത മറാത്തി ചിത്രം മുല്‍ഷി പാറ്റേണിനെ ആസ്‌പദമാക്കിയാണ് മഹേഷ് മഞ്ജറേക്കര്‍ അന്തിം ഒരുക്കുന്നത്. നവംബര്‍ 26നാണ് ചിത്രം തിയേറ്ററുകളിലെത്തുക. ഈ വര്‍ഷം ജനുവരിയില്‍ ചിത്രീകരണം ആരംഭിച്ച അന്തിം ഏഴ് മാസം കൊണ്ട് ചിത്രീകരണം പൂര്‍ത്തിയാക്കുകയായിരുന്നു.
