വിനായക ചതുര്‍ഥി ആഘോഷത്തിലാണ് നാടും നഗരവും. നിരവധി താരങ്ങള്‍ അടക്കം സോഷ്യല്‍മീഡിയകള്‍ വഴി ആരാധകര്‍ക്ക് ആശംസകള്‍ നേര്‍ന്ന് രംഗത്തെത്തിയിരുന്നു. ഇന്ത്യന്‍ സിനിമയുടെ കിങ് ഖാന്‍ ഷാരൂഖ് ഖാനും ആശംസകള്‍ നേര്‍ന്നിരുന്നു. എന്നാല്‍ താരത്തിന്‍റെ ആശംസ പോസ്റ്റിന് ലഭിച്ച കമന്‍റുകള്‍ പരിഹാസം നിറഞ്ഞതായിരുന്നു. ചുവന്ന കുറിതൊട്ട തന്‍റെ ചിത്രം കൂടി പങ്കുവെച്ചായിരുന്നു ഷാരൂഖ് സോഷ്യല്‍ മീഡിയകള്‍ വഴി ആശംസകള്‍ നേര്‍ന്നത്. നാണമാവില്ലേ എന്നായിരുന്നു കമന്‍റുകളില്‍ ഒന്ന്.
- " class="align-text-top noRightClick twitterSection" data="
">
വര്‍ഷങ്ങളായി ഷാരൂഖ് ഖാനും കുടുംബവും ഗണേശ ചതുര്‍ത്ഥി ആഘോഷിക്കാറുണ്ട്. ഇത്തവണയും അതിന് യാതൊരു മാറ്റവും ഉണ്ടായില്ല. മുസ്ലീമായ ഒരാള്‍ ഹിന്ദു ആഘോഷങ്ങളില്‍ പങ്കുചേരുന്നു എന്ന് കാണിച്ചാണ് കുറെയധികം ആള്‍ക്കാര്‍ താരത്തിനെ ട്രോളാനും പരിഹസിക്കാനും മുന്നിട്ടെത്തിയത്. നെറ്റിയിലെ കുഞ്ഞു ചുവന്ന കുറിയെ ഹൈലൈറ്റ് ചെയ്തുകൊണ്ടുള്ള ബ്ലാക്ക് ആന്‍ഡ് വൈറ്റ് ചിത്രമാണ് താരം സോഷ്യല്‍ മീഡിയയില്‍ ആരാധകര്‍ക്കായി പങ്കുവച്ചത്. 'ഗണപതി നിങ്ങള്‍ക്ക് ഗണേശചതുര്‍ത്ഥി ദിനത്തില്‍ അനുഗ്രഹവും സന്തോഷവും നല്‍കട്ടെ' എന്നാണ് താരം ഫോട്ടോക്കൊപ്പം കുറിച്ചത്. 'താങ്കള്‍ മുസ്ലീമല്ലേ ഹിന്ദുവായി മതം മാറിയോ' എന്ന് ചോദിച്ചുകൊണ്ടായിരുന്നു മറ്റൊരു കമന്‍റ്.
അദ്ദേഹം എല്ലാ മതങ്ങളുടെയും ആഘോഷങ്ങളും ആഘോഷിക്കാറുണ്ടന്നാണ് ചിലര്‍ കമന്‍റിലൂടെ ഓര്‍മപ്പെടുത്തിയത്. ഷാരൂഖ് ഖാനും ഭാര്യ ഗൗരിയും മക്കളുമെല്ലാം എല്ലാ ആഘോഷങ്ങളും കൊണ്ടാടാറുണ്ട്.
