കഴിഞ്ഞ ദിവസമാണ് ബോളിവുഡ് നടി ദിയ മിര്‍സയും വൈഭവ് രേഖിയും വിവാഹിതരായത്. വിവാഹ ചിത്രങ്ങളും വീഡിയോകളുമെല്ലാം വൈറലായിരുന്നു. ഇപ്പോള്‍ സോഷ്യല്‍ മീഡിയ നിറയുന്നത് ദിയ മിര്‍സ പങ്കുവെച്ച വിവാഹദിനത്തിലെ ഒരു ഫോട്ടോയാണ്. പതിവില്‍ നിന്നും വിപരീതമായി പുരോഹിതയുടെ നേതൃത്വത്തിലായിരുന്നു ദിയയുടെയും വൈഭവിന്‍റെയും പൂജ ചടങ്ങുകള്‍ നടന്നത്. ദിയ തന്നെയാണ് വിവാഹചടങ്ങുകളുടെ ചിത്രം പങ്കുവെച്ചത്. ഹോമകുണ്ഡത്തിന് മുന്നില്‍ ഇരിക്കുന്ന ദിയയും വൈഭവുമാണ് ചിത്രത്തില്‍. ഇരുവരുടേയും ഒരു ഭാഗത്തായി പ്രായമായ സ്ത്രീ ഇരുന്ന് ഹോമകുണ്ഡത്തിലേക്ക് നെയ് ഒഴിക്കുന്നതും കാണാം. ഷീല എന്ന സ്ത്രീ പൂജാരിയാണ് ചടങ്ങുകള്‍ക്ക് കാര്‍മികത്വം വഹിച്ചത്. സ്ത്രീ പൂജാരിയെ ആദ്യമായാണ് കാണുന്നത് എന്നാണ് പലരുടേയും കമന്‍റുകള്‍. നിരവധി പേര്‍ ദിയയെ അനുകൂലിച്ചും കമന്‍റുകള്‍ പങ്കുവെച്ചിട്ടുണ്ട്. തിങ്കളാഴ്ച മുംബൈയില്‍ വെച്ചായിരുന്നു ദിയയും വൈഭവും വിവാഹിതരായത്. ചടങ്ങില്‍ അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്തത്. ഒരു വര്‍ഷത്തെ പ്രണയത്തിനൊടുവിലാണ് ദിയയും വൈഭവും വിവാഹിതരാകുന്നത്. നടിയുടെ രണ്ടാം വിവാഹമാണിത്.
-
Thank you Sheela Atta for conducting our wedding ceremony. So proud that together we can #RiseUp #GenerationEquality https://t.co/aMZdyEZRdF pic.twitter.com/BeyFWCSGLw
— Dia Mirza (@deespeak) February 17, 2021 " class="align-text-top noRightClick twitterSection" data="
">Thank you Sheela Atta for conducting our wedding ceremony. So proud that together we can #RiseUp #GenerationEquality https://t.co/aMZdyEZRdF pic.twitter.com/BeyFWCSGLw
— Dia Mirza (@deespeak) February 17, 2021Thank you Sheela Atta for conducting our wedding ceremony. So proud that together we can #RiseUp #GenerationEquality https://t.co/aMZdyEZRdF pic.twitter.com/BeyFWCSGLw
— Dia Mirza (@deespeak) February 17, 2021
രഹ്നഹേ തേരെ ദില്‍ മേ, തെഹ്‌സീബ്, ലഗേ രഹോ മുന്നാ ഭായ്, സഞ്ജു എന്നീ സിനിമകളിലൂെട ബി ടൗണില്‍ ചുവടുറപ്പിച്ച നടിയാണ് ദിയ മിര്‍സ. താപ്‌സി പന്നു കേന്ദ്രകഥാപാത്രത്തെ അവതരിപ്പിച്ച ഥപ്പഡിലും ദിയാ മിര്‍സ വേഷമിട്ടിരുന്നു. നാഗാര്‍ജുനയെ നായകനാക്കി അണിയറയില്‍ ഒരുങ്ങുന്ന തെലുങ്ക് ആക്ഷന്‍ ത്രില്ലര്‍ ആണ് റിലീസിനൊരുങ്ങുന്ന ദിയ മിര്‍സ സിനിമ. അഷിഷോര്‍ സോളമനാണ് ഈ സിനിമ എഴുതി സംവിധാനം ചെയ്‌തിരിക്കുന്നത്. സയാമി ഖേര്‍, അതുല്‍ കുല്‍കര്‍ണി എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
