കണ്ണിറുക്കി പ്രേക്ഷകരെ കയ്യിലെടുത്ത താരമാണ് പ്രിയ വാര്യര്‍. ഒമർലുലു ചിത്രം ഒരു അ‍ഡാര്‍ ലവിലൂടെ സിനിമയിലെത്തിയ താരം നവമാധ്യമങ്ങളിലൂടെയാണ് വൈറലായത്. മലയാളത്തിലെ തുടക്കത്തിന് ശേഷം ബോളിവുഡിലും തെലുങ്കിലുമൊക്കെ പ്രിയ അഭിനയിച്ചിരുന്നു.
എന്നാൽ ബോളിവുഡിലെ ഒരു താരസുന്ദരിയും പ്രിയക്ക് ചലഞ്ചായി എത്തിയിരിക്കുകയാണ്. ഛപാക്കിന്‍റെ ചിത്രീകരണത്തിനിടയിലാണ് ദീപികാ പദുക്കോൺ പ്രിയയെപ്പോലെ കണ്ണിറുക്കുന്നത്. കണ്ണിറുക്കി ചിരിച്ചുകൊണ്ടുള്ള ചലഞ്ചിൽ ദീപിക പ്രിയ വാര്യരെയും ടാഗ് ചെയ്യുന്നുണ്ട്. പോസ്റ്റിനൊപ്പം ലക്ഷ്‌മി അഗര്‍വാളിന്‍റെ കഥ പറയുന്ന ഛപാക്ക് സിനിമയുടെ റിലീസ് തീയതി ജനുവരി 10ന് ആണെന്നും ദീപിക കുറിക്കുന്നുണ്ട്.
