സിയോൾ (ദക്ഷിണ കൊറിയ): ഈ വർഷം സാംസങ് ഗാലക്‌സി Z ഫോൾഡ് 4 അവതരിപ്പിച്ചേക്കും. കഴിഞ്ഞ ഓഗസ്റ്റിൽ പുറത്തിറക്കിയ സാംസങ്ങിന്‍റെ ഗാലക്‌സി Z ഫോൾഡ് 3 സ്‌മാർട്ട്‌ഫോണിന് പിന്നാലെയാണ് സാംസങ് ഗാലക്‌സി Z ഫോൾഡ് 4 പുറത്തിറങ്ങാൻ പോകുന്നത്.
പുതിയ ഫോൾഡബിൾ സ്‌മാർട്ട് ഫോണിന്‍റെ ഡിസ്‌പ്ലേയിലും പുത്തൻ സാങ്കേതിക വിദ്യ ഉണ്ടാകാൻ സാധ്യതയുണ്ട്. ഗാലക്‌സി Z ഫോൾഡ് 3യേക്കാൾ മിനുസമാർന്ന സ്‌ക്രീനായിരിക്കും ഗാലക്‌സി Z ഫോൾഡ് 4നുണ്ടാകുക. സ്‌ക്രീൻ മടക്കിയിരിക്കുമ്പോൾ ഹിഞ്ച് വിടവ് കുറയ്ക്കുന്നതിന് ഹിഞ്ച് ഡിസൈനിൽ വരുത്തുന്ന മാറ്റങ്ങൾ എന്താണെന്ന് അറിയാൻ കാത്തിരിക്കുകയാണ് വിപണി.
108 എംപി പ്രൈമറി സെൻസർ, 10എംപി സെൽഫി ക്യാമറ, 10എംപി ടെലിഫോട്ടോ സെൻസർ, എന്നിവയുമായിട്ടായിരിക്കും സാംസങ് ഗാലക്‌സി Z ഫോൾഡ് 4 വിപണിയിലേക്കെത്തുക. ക്വാൽകോം സ്‌നാപ്ഡ്രാഗൺ 8 ജെൻ 1 പ്ലസ് ചിപ്‌സെറ്റിൽ ആയിരിക്കും സ്‌മാർട്ട്ഫോണിന്‍റെ പ്രവർത്തനം.
Also read: ലോകത്തിലെ ആദ്യ 200MP ക്യാമറയുള്ള ഫോണ്‍: മോട്ടോറോള ഫ്രോണ്ടിയർ ജൂലൈയില്‍
