സോൾ (ദക്ഷിണ കൊറിയ) : പുത്തൻ ഫീച്ചറുകളോടെ സാംസങിന്‍റെ ഏറ്റവും പുതിയ സ്‌മാർട്ട് ഫോണുകൾ വിപണി കീഴടക്കാനെത്തി. ബെൻഡിങ് സ്‌ക്രീൻ ഫോണുകളുടെ മേഖലയിൽ വിപ്ലവകരമായ മാറ്റം കൊണ്ടുവരുമെന്ന് പ്രതീക്ഷിക്കുന്ന ഗാലക്‌സി Z ഫ്ലിപ്പ് 5 (Galaxy Z Flip 5), ഗാലക്‌സി Z ഫോൾഡ് 5 (Galaxy Z Fold 5) ഫോണുകളാണ് സാംസങ് കഴിഞ്ഞ ദിവസം പുറത്തിറക്കിയത്. ദക്ഷിണ കൊറിയയിലെ സോളിൽ നടന്ന ഗാലക്‌സി അൺപാക്ക്‌ഡ് 2023 (Galaxy Unpacked 2023) ചടങ്ങിനിടെയാണ് പുതിയ ഫോണുകളുടെ ലോഞ്ച് നടത്തിയത്.
-
[Galaxy Unpacked 2023] Inspired by You, Created for You: Samsung Unveils the Latest Era of Galaxy Innovationhttps://t.co/FpshDHEDg6
— Samsung Electronics (@Samsung) July 27, 2023 " class="align-text-top noRightClick twitterSection" data="
">[Galaxy Unpacked 2023] Inspired by You, Created for You: Samsung Unveils the Latest Era of Galaxy Innovationhttps://t.co/FpshDHEDg6
— Samsung Electronics (@Samsung) July 27, 2023[Galaxy Unpacked 2023] Inspired by You, Created for You: Samsung Unveils the Latest Era of Galaxy Innovationhttps://t.co/FpshDHEDg6
— Samsung Electronics (@Samsung) July 27, 2023
ക്ലാംഷെൽ രൂപകൽപന ചെയ്‌ത ഫോണുകൾ അനായാസം മടക്കാനും തുറക്കാനും സാധിക്കും. 7.6 ഇഞ്ച് മെയിൻ സ്‌ക്രീനും 6.7 ഇഞ്ച് കവർ സ്‌ക്രീനും ഉള്ള സാംസങിന്‍റെ അഞ്ചാം തലമുറ ഗാലക്‌സി ഫോൾഡ് ഫോണായ ഗാലക്‌സി Z ഫോൾഡ് 5, മുൻ തലമുറ ഫോണുകളേക്കാൾ വലിയ സ്‌ക്രീൻ അനുഭവം (Display) ആണ് നൽകുന്നത്. കൂടാതെ, മികച്ച ദൃശ്യങ്ങൾ ലഭ്യമാക്കുന്ന കൂടുതൽ നൂതനമായ ക്യാമറകൾ, ടെക്‌സ്‌റ്റ്, വീഡിയോ ചാറ്റുകൾ, സിനിമകൾ, ഗെയിമുകൾ എന്നിവയ്‌ക്കായും കൂടുതൽ സവിശേഷതകൾ ഫോണിൽ സജീകരിച്ചിട്ടുണ്ട്.
വിലയും ശ്രദ്ധേയം : സൗകര്യപ്രദമായി കയ്യിൽ കരുതാവുന്ന ഫ്ലിപ്പ് 5 ന് 3.4 ഇഞ്ചാണ് കവർ സ്‌ക്രീൻ വലിപ്പം. സ്‌നാപ്പ്‌ഡ്രാഗൺ 8 Gen 2 പ്രൊസസറിൽ (Snapdragon 8 Gen 2 processor) പ്രവർത്തിക്കുന്ന ഫോണുകൾ പഴയ ഫോണുകളെ അപേക്ഷിച്ച് ഭാരം കുറഞ്ഞതും ഒതുക്കമുള്ളതുമാണ്. കൂടുതൽ കാലം നീണ്ടുനിൽക്കുന്ന രീതിയിൽ നിർമിച്ചിട്ടുള്ള ഫോണുകളിൽ ഷോക്ക് റെസിസ്‌റ്റന്‍റ് ഫീച്ചറും ചേർത്തിട്ടുണ്ട്. സാങ്കേതിക വിദ്യകൊണ്ടും വില കൊണ്ടും ശ്രദ്ധ നേടിയ പുത്തൻ സ്‌മാർട്ട് ഫോണുകളിൽ ഫ്ലിപ്പ് 5 ന് 1000 ഡോളർ (ഏകദേശം 82,000 രൂപ) മുതലും ഫോൾഡ് 5 ന് 1,800 ഡോളർ (ഏകദേശം 1,47,590 രൂപ) മുതലുമാണ് വിപണി വില ആരംഭിക്കുന്നത്.
2019 ലാണ് ടെക് ഭീമന്മാരായ സാംസങ് തങ്ങളുടെ ആദ്യ ഫോൾഡിങ് ഫോൺ പുറത്തിറക്കിയത്. കഴിഞ്ഞ വർഷം ദക്ഷിണ കൊറിയയിൽ വിറ്റഴിച്ച സാംസങ്ങ് പ്രൊഡക്‌റ്റുകളിൽ 40 ശതമാനവും ഫോൾഡബിൾ ഉപകരണങ്ങളായിരുന്നെന്നും വിപണനം 2023 ൽ അതിലും ഉയർത്തുമെന്നും സാംസങ്ങിന്‍റെ മൊബൈൽ ബിസിനസ് മേധാവി ടിഎം റോഹ് പറഞ്ഞു. വിലകുറഞ്ഞ ഫോൾഡിങ് ഫോണുകൾ വികസിപ്പിക്കാൻ ലക്ഷ്യമിടുന്നുണ്ടെങ്കിലും അതിന്‍റെ സങ്കീർണമായ സാങ്കേതികത പരിഗണിക്കുമ്പോൾ ഈ ആവശ്യം എപ്പോൾ യാഥാർഥ്യമാക്കാൻ കഴിയുമെന്നത് പറയാൻ പ്രയാസമാണെന്നും അദ്ദേഹം അറിയിച്ചു.
Also Read : AUDI Q8 e tron | ലുക്കിലും കരുത്തിലും ഒന്നാമൻ; ഇന്ത്യൻ വിപണി കീഴടക്കാനൊരുങ്ങി ഔഡി ക്യൂ8 ഇ - ട്രോൺ
എന്നാൽ ഉയർന്ന വില ഒരിക്കലും വിപണിയിൽ ഫോൾഡിങ് ഫോണുകളുടെ വളർച്ചയെ ബാധിക്കില്ലെന്നും അദ്ദേഹം കൂട്ടിച്ചേർത്തു. ജൂലൈ 26 മുതൽ യുഎസ്‌, ദക്ഷിണ കൊറിയ എന്നിവയുൾപ്പെടെയുള്ള രാജ്യങ്ങളിലെ വിപണികളിൽ ഫോണുകൾ മുൻകൂട്ടി ഓർഡർ ചെയ്യാവുന്നതാണ്.
