അര്‍ധരാത്രി വീട്ടില്‍ കയറി പൊലീസ് അതിക്രമം

ഒളിവില്‍ പോയ പ്രതികളെ അന്വേഷിച്ചെത്തിയ പൊലീസ് സംഘമാണ് പ്രതിയുടെ വീട്ടില്‍ സംഘര്‍ഷം സൃഷ്‌ടിച്ചത്. സ്‌ത്രീകളെയും കുട്ടികളെയും ഇവര്‍ ഭീഷണിപ്പെടുത്തിയതായും പരാതിയുണ്ട്.

കൊല്ലം: അര്‍ധരാത്രിയില്‍ വീട്ടില്‍കയറി സത്രീകളടക്കമുള്ളവരെ പൊലീസ് ഭീഷണിപ്പെടുത്തിയതായി പരാതി. ഒളിവില്‍ പോയ പ്രതിയെ അന്വേഷിച്ചെത്തിയ പൊലീസാണ് പ്രതിയുടെ വീട്ടില്‍ അതിക്രമം നടത്തിയത്. വനിതാ പൊലീസില്ലാതെ വീട്ടിലെത്തിയ പൊലീസ് സംഘം സ്‌ത്രീകളെയും കുട്ടികളെയും ഭീഷണിപ്പെടുത്തിയെന്നാണ് പരാതി. ഇതിനിടയില്‍ വീട്ടിലുണ്ടായിരുന്ന കാന്‍സർ രോഗിയായ സ്‌ത്രീ തളർന്നുവീണു.

തിരുവനന്തപുരം പള്ളിക്കല്‍ സര്‍ക്കാര്‍ ആശുപത്രിയിലെ വനിതാഡോക്‌ടറെ കയ്യേറ്റം ചെയ്ത കേസിലെ പ്രതികള്‍ക്കായാണ് പൊലീസ് പരിശോധന നടത്തിയത്. മകനും മരുമകനും മറ്റു ബന്ധുക്കള്‍ക്കും നേര‌െയെുള്ള അതിക്രമം കണ്ടാണ് കാന്‍സര്‍ രോഗിയായ അമ്മ തളര്‍ന്നു വീണത്. ഇവര്‍ കൊല്ലത്തെ സ്വകാര്യ ആശുപത്രിയില്‍ ചികില്‍സയിലാണ്.