കോഴിക്കോട്: കൂടത്തായി കൊലപാതക പരമ്പരയില്‍ ജോളി ഉള്‍പ്പടെ ജയിലില്‍ കഴിയുന്ന മൂന്ന് പ്രതികളെയും കസ്റ്റഡിയില്‍ വിട്ടുകിട്ടാന്‍ പൊലീസ് സമര്‍പ്പിച്ച കസ്റ്റഡി അപേക്ഷ നാളെ പരിഗണിക്കും. ജോളി, മാത്യു, പ്രജികുമാര്‍ എന്നിവരെ കസ്റ്റഡിയില്‍ വേണമെന്ന അപേക്ഷ താമരശേരി ജുഡീഷ്യല്‍ ഒന്നാംക്ലാസ് മജിസ്ട്രേറ്റ് കോടതിയാണ് പരിഗണിക്കുന്നത്. 15 ദിവസത്തേക്ക് കസ്റ്റഡിയില്‍ വേണമെന്നാണ് അപേക്ഷ.
മൂന്ന് പ്രതികളെയും നാളെ രാവിലെ കോടതിയിൽ ഹാജരാക്കും. പ്രതികളിൽ ഒരാളായ എം.സ് മാത്യു നൽകിയ ജാമ്യ അപേക്ഷയും നാളെ പരിഗണിക്കും. അതേ സമയം കൂടത്തായിയിൽ വ്യാജ വിൽപത്രം നിർമിച്ചത് സംബസിച്ച് അന്വേഷണം നടത്തി റിപ്പോർട്ട് നൽകാൻ ജില്ലാ കലക്ടർക്ക് റവന്യൂ വകുപ്പ് നിർദേശം നൽകി. വീഴ്‌ച കണ്ടെത്തിയാലുടന്‍ നടപടി എടുക്കാനും മന്ത്രി നിര്‍ദേശം നല്‍കിയിട്ടുണ്ട്.
