കോഴിക്കോട്; കൂടത്തായി കൊലപാതക പരമ്പരയിലെ മുഖ്യ പ്രതി ജോളിയുടെ രണ്ടാം ഭർത്താവ് ഷാജു പൊലീസ് കസ്റ്റഡിയില്‍. ഇന്ന് രാവിലെ ചോദ്യം ചെയ്യാൻ വിളിപ്പിച്ച ശേഷം ഷാജുവിനെ അന്വേഷണ സംഘം കസ്റ്റഡിയിലെടുക്കുകയായിരുന്നു. ഒന്നര മണിക്കൂറോളമാണ് ഷാജുവിനെ അന്വേഷണ സംഘം ചോദ്യം ചെയ്തത്. കൊലപാതക പരമ്പരയില്‍ ഷാജുവിന് എതിരെ ജോളി അന്വേഷണ സംഘത്തിന് മൊഴി നല്‍കിയിരുന്നു.
കൊലപാതകത്തെ കുറിച്ച് ഷാജുവിന് അറിയാമായിരുന്നുവെന്നാണ് ജോളി അന്വേഷണ സംഘത്തിന് മൊഴി നല്‍കിയത്. പയ്യോളി ക്രൈംബ്രാഞ്ച് ഓഫീസില്‍ ചോദ്യം ചെയ്ത ശേഷം ഷാജുവിനെ വടകര റൂറല്‍ എസ്‌പി ഓഫീസിലെത്തിച്ചും ചോദ്യം ചെയ്തു. ഉന്നത പൊലീസ് ഉദ്യോഗസ്ഥർ റൂറല്‍ എസ്‌പി ഓഫീസില്‍ ഷാജുവിനെ ചോദ്യം ചെയ്തു. ഇന്ന് തന്നെ ഷാജുവിന്‍റെ അറസ്റ്റുണ്ടാകുമെന്നും സൂചനയുണ്ട്.
