നടിയെ അപമാനിച്ച കേസ്; നടി സ്ഥലത്തില്ലാത്തതിനാല്‍ മൊഴിയെടുക്കാനായില്ല

പ്രതികൾക്കായി പെരിന്തൽമണ്ണ കേന്ദ്രീകരിച്ച് വിപുലമായ അന്വേഷണം നടക്കുന്നതായും പ്രതികൾ പെരിന്തൽമണ്ണ ഉണ്ടെന്നുളള വിവരം ലഭിച്ചെന്നും കളമശ്ശേരി എസ്.ഐ പി.ആർ സന്തോഷ് പറഞ്ഞു

മലപ്പുറം: യുവനടിയെ അപമാനിച്ച കേസിൽ നടിയുടെ മൊഴി എടുക്കാൻ വൈകുന്നത് നടി സ്ഥലത്ത് ഇല്ലാത്തത് കൊണ്ടാണെന്ന് കളമശ്ശേരി എസ്.ഐ പി.ആർ സന്തോഷ്.

പ്രതികൾക്കായി പെരിന്തൽമണ്ണ കേന്ദ്രീകരിച്ച് വിപുലമായ അന്വേഷണം നടക്കുന്നതായും പ്രതികൾ പെരിന്തൽമണ്ണ ഉണ്ടെന്നുളള വിവരം ലഭിച്ചെന്നും കളമശ്ശേരി എസ്.ഐ പറഞ്ഞു. പ്രതികളെ അറസ്റ്റ് ചെയ്യുന്നതിന് നിയമ തടസം ഇല്ലെന്നും എസ്.ഐ വ്യക്തമാക്കി. കസ്റ്റഡിയിൽ എടുത്താൽ കളമശ്ശേരിയിലാകും ഹാജരാക്കുക. പ്രതികൾക്ക് നിരപരാധിത്വം കോടതിയിൽ തെളിയ്ക്കാമെന്നും എസ്.ഐ പറഞ്ഞു. പ്രതികൾ ഇന്ന് തന്നെ കീഴടങ്ങാനാണ് സാധ്യത. പ്രതികള്‍ കളമശേരിയിൽ എത്തി അന്വേഷണ സംഘത്തിന് മുന്നിൽ കീഴടങ്ങാനാണ് സാധ്യത കൂടുതൽ.