ഹൈദരാബാദ്: രാജീവ് ഗാന്ധി അന്തരാഷ്‌ട്ര വിമാനത്താളത്തിൽ നിന്ന് 58.83 ലക്ഷം രൂപയുടെ വിദേശ കറൻസി സിഐഎസ് എഫ് പിടുച്ചെടുത്തു. സംഭവവുമായി ബന്ധപ്പെട്ട് ഹൈദരാബാദ് സ്വദേശികളായ മുഹമ്മദ് അയ്യൂബ് ഹബീബ്, അഹമ്മദ് പാഷ എന്നിവരെ അറസ്റ്റ് ചെയ്തു. ബാഗിനുളളിലെ വസ്‌ത്രങ്ങൾക്കിടയിൽ ഒളിപ്പിച്ചായിരുന്നു കറൻസി കടത്താൻ ശ്രമിച്ചത്. ഇന്ന് പുലർച്ചെയാണ് ഇവർ അറസ്‌റ്റിലാകുന്നത്.
സംശയത്തെ തുടർന്ന് നടത്തിയ പരിശോധനയിലാണ് കറൻസികൾ പിടിച്ചെടുത്തത്. കറൻസികളുടെ മതിയായ രേഖകൾ ഹാജരാക്കാൻ കഴിയാത്തതിനാൽ തുടർ അന്വേഷണത്തിനായി ഇവരെ കസ്‌റ്റംസിന് കൈമാറി.
