ന്യൂഡൽഹി : ചാറ്റ് ജിപിടി ഡെവലപ്പറായ ഓപ്പൺ എഐയുടെ ഓൺലൈൻ സ്റ്റോർ അടുത്തയാഴ്‌ച തുറക്കും (ChatGPT maker OpenAI to open online GPT store). ഇതിലൂടെ ഉപയോക്താക്കൾക്ക് കമ്പനിയുടെ വലിയ ഭാഷ മോഡലുകളെ (LLMs) അടിസ്ഥാനമാക്കി ഇഷ്‌ടാനുസൃതം എഐ മോഡലുകൾ വിൽക്കാനും പങ്കിടാനും സാധിക്കും.
ജിപിടി ബിൽഡർമാരായി ഒപ്പിട്ട ആളുകൾക്ക് കമ്പനി ഇമെയിൽ അയച്ചിരുന്നു. അതിൽ അവരുടെ ജിപിടി സൃഷ്‌ടികൾ ബ്രാൻഡ് മാർഗനിർദേശങ്ങൾ പാലിക്കുന്നുണ്ടോയെന്ന് രണ്ടുതവണ പരിശോധിക്കാൻ ഓപ്പൺ എഐ ആവശ്യപ്പെട്ടിട്ടുണ്ട്. കൂടാതെ അവരുടെ ജിപിടി പൊതുവായതാക്കാൻ അവർക്ക് നിർദേശം നൽകുകയും ചെയ്‌തു.
കഴിഞ്ഞ വർഷം നവംബറിൽ സ്റ്റോർ ആരംഭിക്കാൻ തീരുമാനിച്ചിരുന്നുവെങ്കിലും ഓപ്പൺഎഐ സിഇഒ സാം ആൾട്ട്മാന്‍റെ പിരിച്ചുവിടലും പുനർ നിയമനവും സംബന്ധിച്ച സ്റ്റോർ തുറക്കുന്നത് വൈകിയിരുന്നു. ഇപ്പോൾ, ടെക്‌സ്‌റ്റ് ജനറേറ്റിങ് എഐ മോഡലുകളെ അടിസ്ഥാനമാക്കിയുള്ള ജിപിടികൾക്കായി ഒരു സ്റ്റോർ ആരംഭിക്കാനും ഓപ്പൺ എഐ പദ്ധതിയിടുന്നതായി ദി വേർജ് റിപ്പോർട്ട് ചെയ്‌തു. നവംബറിൽ ആൾട്ട്മാൻ നടത്തുന്ന ഓപ്പൺ എഐ അതിന്‍റെ എഐ ചാറ്റ്‌ബോട്ട് ചാറ്റ് ജിപിടിയുടെ ഇഷ്‌ടാനുസൃത പതിപ്പുകൾ പുറത്തിറക്കുമെന്ന് പ്രഖ്യാപിച്ചിട്ടുണ്ട്. അത് ആളുകൾക്ക് അവരുടെ പ്രത്യേക ആവശ്യങ്ങൾക്കായി സൃഷ്‌ടിക്കാൻ കഴിയും.
ജിപിടികൾ എന്ന് വിളിക്കപ്പെടുന്ന ഈ എഐ മോഡലുകൾ ആർക്കും അവരുടെ ദൈനംദിന ജീവിതത്തിലും നിർദിഷ്‌ട ജോലികളിലും ജോലിസ്ഥലത്തും വീട്ടിലും കൂടുതൽ സഹായകരമാകുന്നതിന് ചാറ്റ് ജിപിടിയുടെ അനുയോജ്യമായ പതിപ്പ് സൃഷ്‌ടിക്കുന്നതിനുള്ള ഒരു പുതിയ മാർഗമാണ്. ഇങ്ങനെ നിർമിച്ച സൃഷ്‌ടി മറ്റുള്ളവരുമായി പങ്കിടാനും സാധിക്കും. ഉദാഹരണത്തിന്, ഏതെങ്കിലും ബോർഡ് ഗെയിമിന്‍റെ നിയമങ്ങൾ പഠിക്കാനോ നിങ്ങളുടെ കുട്ടികളെ കണക്ക് പഠിപ്പിക്കാനോ സ്‌റ്റിക്കറുകൾ രൂപകൽപ്പന ചെയ്യാനോ ജിപിടികൾക്ക് നിങ്ങളെ സഹായിക്കാനാകും.
'ആർക്കും എളുപ്പത്തിൽ സ്വന്തം ജിപിടി നിർമിക്കാൻ കഴിയും. അതിന് കോഡിങ് ആവശ്യമില്ല. നിങ്ങൾക്ക് അവ നിങ്ങൾക്കായോ നിങ്ങളുടെ കമ്പനിയുടെ ആന്തരിക ഉപയോഗത്തിനോ അല്ലെങ്കിൽ എല്ലാവർക്കും വേണ്ടിയോ നിർമ്മിക്കാം' -കമ്പനി അതിന്‍റെ ആദ്യ ഡെവലപ്പർമാരുടെ കോൺഫറൻസിൽ പറഞ്ഞു. വരും മാസങ്ങളിൽ, ഒരാളുടെ ജിപിടി എത്ര പേർ ഉപയോഗിക്കുന്നു എന്നതിന്‍റെ അടിസ്ഥാനത്തിൽ അയാൾക്ക് പണം സമ്പാദിക്കാനും കഴിയും.
Also Read: 'രഘുറായ് 67 ഭാഷകളിൽ ഉത്തരം നൽകും'; ബഹുഭാഷ ചാറ്റ്‌ബോട്ട് വികസിപ്പിച്ച് ഒമ്പതാം ക്ലാസുകാരൻ
