ബാലിസ്‌റ്റിക് മിസൈൽ തൊടുത്ത് ഉത്തര കൊറിയ; മുന്നറിയിപ്പുമായി ജപ്പാൻ

North Korea Missile : ഉത്തര കൊറിയ മിസൈൽ തൊടുത്തുവിട്ടെന്ന് ദക്ഷിണ കൊറിയ. പിന്നാലെ ജപ്പാൻ പ്രധാനമന്ത്രിയുടെ ഓഫിസ് അടിയന്തര മുന്നറിയിപ്പ് പുറപ്പെടുവിച്ചു.

സോൾ : ഉത്തര കൊറിയ മിസൈൽ തൊടുത്തുവിട്ടെന്ന ആരോപണവുമായി ദക്ഷിണ കൊറിയ. ഞായറാഴ്‌ച കിഴക്കൻ കടലിന് മുകളിലേക്കാണ് ഉത്തര കൊറിയ മിസൈൽ വിട്ടതെന്നും, ഇതൊരു ബാലിസ്‌റ്റിക് മിസൈൽ ആണെന്ന് സംശയിക്കുന്നതായും ദക്ഷിണ കൊറിയയുടെ സൈനിക വാർത്ത ഏജൻസിയായ യോൻഹാപ്പ് റിപ്പോർട് ചെയ്‌തു (N Korea Launched Ballistic Missile Towards East Sea).

വിക്ഷേപണത്തെക്കുറിച്ച് പഠിച്ചതായി ദക്ഷിണ കൊറിയയുടെ ജോയന്‍റ് ചീഫ് ഓഫ് സ്‌റ്റാഫ് സ്ഥിരീകരിച്ചു. എന്നാൽ അദ്ദേഹം കൂടുതൽ പ്രതികരണത്തിന് തയ്യാറായില്ല. അതേസമയം ഉത്തര കൊറിയയുടെ മിസൈൽ വിക്ഷേപണത്തിന് പിന്നാലെ ജപ്പാൻ പ്രധാനമന്ത്രിയുടെ ഓഫിസ് അടിയന്തര മുന്നറിയിപ്പ് നല്‍കി. കൂടുതൽ വിവരങ്ങൾക്ക് കാത്തിരിക്കുകയാണെന്നും പ്രധാനമന്ത്രിയുടെ ഓഫിസ് അറിയിച്ചു.

• [Emergency alert]
  North Korea has launched a suspected ballistic missile. More updates to follow.

  — PM's Office of Japan (@JPN_PMO) January 14, 2024 " class="align-text-top noRightClick twitterSection" data="

  [Emergency alert]
  North Korea has launched a suspected ballistic missile. More updates to follow.

  — PM's Office of Japan (@JPN_PMO) January 14, 2024

  ">

  [Emergency alert]
  North Korea has launched a suspected ballistic missile. More updates to follow.

  — PM's Office of Japan (@JPN_PMO) January 14, 2024

ഉത്തര കൊറിയയുടെ മിസൈൽ സംബന്ധിച്ച് കഴിഞ്ഞയാഴ്‌ച തന്നെ ദക്ഷിണ കൊറിയയുടെ പ്രതിരോധ മന്ത്രി ഷിൻ വോൺ-സിക് മുന്നറിയിപ്പ് നൽകിയിരുന്നതായി യോൻഹാപ്പ് വാർത്ത ഏജൻസി റിപ്പോർട് ചെയ്‌തു. പ്യോങ്‌യാങ് ഈ മാസം ആദ്യം തന്നെ ഖര ഇന്ധനം ഉപയോഗിക്കുന്ന ഇന്‍റർമീഡിയറ്റ് റേഞ്ച് ബാലിസ്‌റ്റിക് മിസൈലുകൾ പരീക്ഷിച്ചേക്കുമെന്നാണ് അദ്ദേഹം മുന്നറിയിപ്പ് നൽകിയത്.

ഡിസംബർ 18 നും ഉത്തര കൊറിയ മിസൈൽ പരീക്ഷണം നടത്തിയിരുന്നു. ഭൂഖണ്ഡാന്തര ബാലിസ്‌റ്റിക് മിസൈലായ ഹ്വാസോംഗ് -18 ആണ് അന്ന് തൊടുത്തുവിട്ടത്. പിന്നാലെ ജനുവരി 5-7 തീയതികളിൽ ദക്ഷിണ കൊറിയയുടെ സമുദ്രാതിർത്തിയിൽ ഉത്തര കൊറിയ പീരങ്കി ഷെൽ വർഷവും നടത്തി.

കഴിഞ്ഞയാഴ്‌ച രാജ്യത്തെ യുദ്ധോപകരണ ഫാക്‌ടറി സന്ദർശിച്ച ഉത്തര കൊറിയൻ ഏകാധിപതി കിം ജോങ് ഉൻ, ദക്ഷിണ കൊറിയയുമായുള്ള യുദ്ധത്തിൽ നിന്ന് വിട്ടുനിൽക്കാൻ തനിക്ക് ഉദ്ദേശ്യമില്ലെന്ന് പ്രഖ്യാപിച്ചിരുന്നു, പ്യോങ്‌യാങ്ങിനെതിരെ ബലം പ്രയോഗിക്കാൻ ശ്രമിച്ചാൽ നാശമായിരിക്കും ഫലമെന്നും കിം പറഞ്ഞതായി യോൻഹാപ്പ് ഏജൻസി റിപ്പോർട്ട് ചെയ്‌തു.