ക്വാലാലംപൂർ: കൊട്ടാരത്തിലെ ജീവനക്കാർക്ക് കൊവിഡ് സ്ഥിരീകരിച്ചതിനെ തുടർന്ന് മലേഷ്യൻ രാജാവ് സുൽത്താൻ അബ്ദുല്ല സുൽത്താൻ അഹ്മദ് ഷായും ഭാര്യ അസീസാ അമിന മൈമുന ഇസ്‌കന്ദരിയയും നിരീക്ഷണത്തിൽ. ഇരുവർക്കും നിലവിൽ രോഗബാധയില്ലെന്നും എന്നാൽ ഇരുവരേയും 14 ദിവസത്തെ ക്വാറന്‍റൈന് വിധേയമാകുമെന്ന് അധികൃതർ അറിയിച്ചു.
കൊവിഡ് -19 പ്രതിസന്ധി അവസാനിക്കുന്നതുവരെ എല്ലാ മലേഷ്യക്കാരും ജാഗ്രത പുലർത്തുകയും ആരോഗ്യ പ്രവർത്തകർക്കും സുരക്ഷാ ഉദ്യോഗസ്ഥർക്കും പിന്തുണയും സഹകരണവും നൽകുകയും ചെയ്യണമെന്ന് രാജാവ് അഭ്യർഥിച്ചു. മലേഷ്യയിൽ ഇതുവരെ 1,796 കൊവിഡ് പോസിറ്റീവ് കേസുകളാണ് റിപ്പോർട്ട് ചെയ്തിട്ടുള്ളത്.
