ലാഹോർ: മോശം വായു നിലവാരമുള്ള ലോകത്തിലെ ആദ്യ അഞ്ച് നഗരങ്ങളിൽ ലാഹോർ രണ്ടാം സ്ഥാനത്ത്. അനാരോഗ്യകരമായ വായുവുള്ള നഗരങ്ങളുടെ പട്ടികയിലാണ് ലാഹോർ ഇടംപിടിച്ചിരിക്കുന്നത്. 188 ആണ് ലാഹോറിൽ രേഖപ്പെടുത്തിയിട്ടുള്ള കണിക ദ്രവ്യത്തിന്‍റെ റേറ്റിങ്.
യുണൈറ്റഡ് സ്റ്റേറ്റ്സിന്‍റെ പരിസ്ഥിതി സംരക്ഷണ ഏജൻസിയുടെ കണക്ക് പ്രകാരം റേറ്റിങ് 50ൽ താഴെയാകുമ്പോഴാണ് വായു നിലവാരം തൃപ്‌തികരമാണെന്ന് കണക്കാക്കുന്നത്. വിളകൾ കത്തിക്കുന്നത്, വർധിച്ചുവരുന്ന വ്യവസായങ്ങളും വാഹനങ്ങളും എന്നിവയാണ് മലിനീകരണത്തിന് കാരണമായി രാജ്യത്തെ പരിസ്ഥിതി വിദഗ്‌ധർ ആരോപിക്കുന്നത്.
മാർച്ചിൽ ഐക്യുഎയർ ഗ്ലോബൽ എയർ ക്വാളിറ്റി റിപ്പോർട്ട് പുറത്തുവിട്ട റിപ്പോർട്ട് പ്രകാരം ഏറ്റവും മലിനമായ രണ്ടാമത്തെ രാജ്യമായി പാകിസ്ഥാൻ സ്ഥാനം പിടിച്ചിരുന്നു.
