വാഷിംഗ്‌ടണ്‍: അമേരിക്കൻ പ്രസിഡന്‍റ് ജോ ബൈഡനും ഇസ്രയേൽ പ്രസിഡന്‍റ് റുവെൻ റിവ്‌ലിനും തമ്മിൽ കൂടിക്കാഴ്‌ച നടത്തും. ഈ മാസം 28ന് വൈറ്റ് ഹൗസിൽ വെച്ചാകും ഇരുവരും ചര്‍ച്ച നടത്തുക.
റുവെൻ റിവ്‌ലിന്‍റെ സന്ദർശനം ഇരു രാജ്യങ്ങളിലെയും ജനങ്ങളും സർക്കാരും തമ്മിലുള്ള ബന്ധം ശക്തിപ്പെടുത്തുമെന്ന് വൈറ്റ് ഹൗസ് വക്താവ് ജെൻ സാക്കി പറഞ്ഞു.
Also Read: ബ്രിട്ടണിൽ 10,321 പുതിയ കൊവിഡ് കേസുകൾ; 14 മരണം
എഴുവർഷത്തെ കാലാവധി അവസാനിച്ച് ജൂലൈയിൽ പ്രസിഡന്‍റ് സ്ഥാനം ഒഴിയാനിരിക്കെയാണ് റുവെൻ റിവ്‌ലിന്‍റെ അമേരിക്കൻ സന്ദർശനം.
മുൻ ലേബർ പാര്‍ട്ടി ചെയർമാനും പ്രതിപക്ഷ നേതാവുമായ ഐസക് ഹെർസോഗിനെ പുതിയ പ്രസിഡന്‍റായി ഇസ്രയേൽ പാർലമെന്‍റ് ഈ മാസം തെരഞ്ഞെടുത്തിരുന്നു.
