ഇസ്ലാമാബാദ് : അമേരിക്കയുടെ ഉപരോധം വകവയ്ക്കാതെ റഷ്യയിൽ നിന്ന് ക്രൂഡ് ഓയിൽ ഇറക്കുമതി ചെയ്‌ത് സ്വതന്ത്ര വിദേശനയം പിന്തുടരുന്ന ഇന്ത്യയെ അഭിനന്ദിച്ച് പാകിസ്ഥാൻ പ്രധാനമന്ത്രി ഇമ്രാൻ ഖാൻ. ഖൈബർ-പഖ്‌തൂൺഖ്വ പ്രവിശ്യയിലെ ഒരു പൊതു റാലിയെ അഭിസംബോധന ചെയ്യുകയായിരുന്നു അദ്ദേഹം.
'ക്വാഡിന്‍റെ ഭാഗമായ ഇന്ത്യ അമേരിക്കയുടെ ഉപരോധം വകവയ്ക്കാതെ റഷ്യയിൽ നിന്ന് എണ്ണ ഇറക്കുമതി ചെയ്തു. ഇന്ത്യയുടെ സ്വതന്ത്ര വിദേശനയത്തെ പ്രശംസിക്കാൻ ആഗ്രഹിക്കുന്നു' - ഖാൻ പറഞ്ഞു.
കൂടാതെ തന്‍റെ വിദേശനയവും പാക്കിസ്ഥാനിലെ ജനങ്ങൾക്ക് അനുകൂലമാകുമെന്ന് ഖാൻ വ്യക്‌തമാക്കി. ഞാൻ ആരുടെയും മുന്നിൽ തലകുനിച്ചിട്ടില്ല, എന്‍റെ രാജ്യത്തെയും തലകുനിക്കാൻ അനുവദിക്കില്ല - ഖാൻ കൂട്ടിച്ചേർത്തു.
ALSO READ: ഹിജാബ് കേസില്‍ വിധിപറഞ്ഞ ജഡ്‌ജിമാരുടെ സുരക്ഷ കൂട്ടി ; ഭീഷണി പ്രസംഗത്തില്‍ 2 പേര്‍ അറസ്റ്റില്‍
അതേസമയം റഷ്യയ്‌ക്കെതിരെ പിന്തുണ തേടുന്ന യൂറോപ്യൻ യൂണിയൻ പ്രതിനിധികളോട് തീരുമാനം വ്യക്‌തമാക്കിയിട്ടില്ലെന്നും ഖാൻ പറഞ്ഞു. അവർ അഭ്യർഥന നടത്തി പ്രോട്ടോകോൾ ലംഘിച്ചിരിക്കുകയാണ്. കൂടാതെ യുറോപ്യൻ യൂണിയന്‍റെ അഭ്യർഥന മാനിച്ചിട്ട് പാകിസ്ഥാന് ഒന്നും നേടാനില്ലെന്നും അദ്ദേഹം കൂട്ടിച്ചേർത്തു.
