Beast trailer trending: പ്രേക്ഷകര്‍ അക്ഷമരായി കാത്തിരുന്ന 'ബീസ്റ്റ്' ട്രെയ്‌ലര്‍ എത്തി. ആക്ഷന്‍ ത്രില്ലര്‍ എന്‍റര്‍ടെയ്‌നറായ ചിത്രം പ്രേക്ഷകര്‍ക്ക്‌ തീര്‍ത്തുമൊരു ട്രീറ്റ്‌ തന്നെയാകുമെന്നാണ് ട്രെയ്‌ലര്‍ നല്‍കുന്ന സൂചന. നഗരത്തിലെ ഒരു ഷോപ്പിംഗ്‌ മോള്‍ പിടിച്ചെടുത്ത്‌ സന്ദര്‍ശകരെ ബന്ദികളാക്കുന്ന തീവ്രവാദികളെ ട്രെയ്‌ലറില്‍ കാണാം. തീവ്രവാദികളുടെ ബന്ധനത്തിലായവര്‍ക്ക്‌ മുന്നില്‍ രക്ഷകനായി പ്രത്യക്ഷപ്പെടുന്ന വിജയിയാണ് ട്രെയ്‌ലറിലെ ഹൈലൈറ്റ്‌.
- " class="align-text-top noRightClick twitterSection" data="">
Vijay as spy agent: വീരരാഘവന്‍ എന്ന സ്‌പൈ ഏജന്‍റായാണ് ചിത്രത്തില്‍ വിജയ്‌ പ്രത്യക്ഷപ്പെടുന്നത്‌. പുറത്തിറങ്ങിയ ട്രെയ്‌ലര്‍ ഇതിനോടകം തന്നെ തരംഗമായി മാറി. റിലീസ്‌ ചെയ്‌ത്‌ 24 മണിക്കൂറിനുള്ളില്‍ 22 മില്യണിലധികം പേരാണ് ട്രെയ്‌ലര്‍ കണ്ടത്‌.
Beast release: ഏപ്രില്‍ 13ന്‌ ചിത്രം തിയേറ്ററുകളിലെത്തും. നേരത്തെ ഏപ്രില്‍ 14നാണ് 'ബീസ്റ്റ്' റിലീസ്‌ നിശ്ചയിച്ചിരുന്നത്‌. എന്നാല്‍ യാഷിന്‍റെ കെജിഎഫും അതേ ദിവസം റിലീസ്‌ ചെയ്യുന്നതിനാല്‍ 'ബീസ്റ്റ്' ഒരു ദിവസം മുമ്പ്‌ റിലീസ്‌ ചെയ്യാന്‍ സംവിധായകന്‍ നെല്‍സണ്‍ ദിലീപ്‌ കുമാറും സംഘവും തീരുമാനിക്കുകയായിരുന്നു.
Vijay remuneration 100 crores: 'ബീസ്‌റ്റി'നായി വിജയ്‌ തന്‍റെ പ്രതിഫലം വര്‍ധിപ്പിച്ചതായി നേരത്തെ റിപ്പോര്‍ട്ടുകളുണ്ടായിരുന്നു. 'ബീസ്‌റ്റി'നായി താരത്തിന്‍റെ പ്രതിഫലം 100 കോടി രൂപയെന്നാണ് മാധ്യമ റിപ്പോര്‍ട്ടുകള്‍. ചിത്രത്തിന്‍റെ ബഡ്‌ജറ്റിന്‍റെ ഇരട്ടിയിലേറെയാണ് ഈ തുകയെന്നാണ് സൂചന.
Vijay 65th movie: വിജയുടെ 65ാമത്‌ ചിത്രം കൂടിയാണ് 'ബീസ്റ്റ്'. അടുത്തിടെ വന്‍ വിജയം നേടിയ ശിവകാര്‍ത്തികേയന്‍ ചിത്രം 'ഡോക്‌ടറി'ന്‌ ശേഷം നെല്‍സണ്‍ ദിലീപ്‌ കുമാര്‍ സംവിധാനം ചെയ്യുന്ന ചിത്രമായതിനാല്‍ ഏറെ പ്രതീക്ഷയാണ് ആരാധകര്‍ക്ക്‌. പൂജ ഹെഗ്‌ഡെ ആണ് ചിത്രത്തില്‍ നായിക കഥാപാത്രത്തെ അവതരിപ്പിക്കുന്നത്‌. വിജയ്‌ക്കൊപ്പമുള്ള പൂജയുടെ ആദ്യ ചിത്രം കൂടിയാണ് 'ബീസ്റ്റ്'. ഒന്‍പത്‌ വര്‍ഷത്തിന് ശേഷം പൂജ ഹെഗ്‌ഡെ ചെയ്യുന്ന തമിഴ്‌ ചിത്രം കൂടിയാണിത്.
Beast cast and crew: മലയാളി താരങ്ങളായ ഷൈന്‍ ടോം ചാക്കോയും അപര്‍ണ ദാസും ചിത്രത്തില്‍ സുപ്രധാന വേഷത്തിലെത്തുന്നുണ്ട്‌. ഷൈന്‍ ഇതാദ്യമായാണ് ഒരു തമിഴ്‌ ചിത്രത്തില്‍ അഭിനയിക്കുന്നത്‌. സംവിധായകന്‍ ശെല്‍വരാഘവനും ചിത്രത്തില്‍ വേഷമിടുന്നു. ചിത്രത്തില്‍ മൂന്ന്‌ പ്രതിനായകന്‍മാരാണുള്ളത്‌.
സണ്‍ പിക്‌ചേഴ്‌സിന്‍റെ ബാനറില്‍ കലാനിധി മാരനാണ് നിര്‍മാണം. സണ്‍ പിക്‌ചേഴ്‌സുമായി ചേര്‍ന്നുള്ള വിജയുടെ നാലാമത്തെ ചിത്രമാണ് 'ബീസ്റ്റ്'. 'വേട്ടയ്‌ക്കാരന്‍', 'സുറ', 'സര്‍ക്കാര്‍' എന്നിവയാണ് സണ്‍ പിക്‌ചേഴ്‌സുമായി ചേര്‍ന്നുള്ള മറ്റ്‌ വിജയ്‌ ചിത്രങ്ങള്‍. സംവിധായകന്‍ നെല്‍സന്‍ തന്നെയാണ് രചനയും നിര്‍വഹിക്കുന്നത്‌. മനോജ്‌ പരമഹംസയാണ് ഛായാഗ്രഹണം. അനിരുദ്ധ്‌ രവിചന്ദര്‍ ആണ് സംഗീതം.
Also Read: മലൈക അറോറയുടെ കാര്‍ നിയന്ത്രണം വിട്ട് 4 വാഹനങ്ങളിലിടിച്ചു ; തലയ്ക്ക് പരിക്കേറ്റ നടി ചികിത്സയില്‍
