സൗബിന്‍ ഷാഹിര്‍, അര്‍ജുന്‍ അശോകന്‍ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ഹൊറര്‍ കോമഡി ചിത്രം രോമാഞ്ചത്തിന്‍റെ ട്രെയ്‌ലര്‍ പുറത്ത്. ജിത്തു മഹാദേവനാണ് ചിത്രം സംവിധാനം ചെയ്‌തിരിക്കുന്നത്. ബെംഗളൂരുവിലെ ഹോസ്റ്റല്‍ ജീവിതത്തിനിടെ കൂട്ടുകാര്‍ക്കിടയില്‍ സംഭവിക്കുന്ന രസകരമായ മുഹൂര്‍ത്തങ്ങളിലൂടെയാണ് രോമാഞ്ചം കടന്നുപോകുന്നത്.
- " class="align-text-top noRightClick twitterSection" data="">
ജോണ്‍ പോള്‍ ജോര്‍ജ് പ്രൊഡക്ഷന്‍, ഗപ്പി സിനിമാസ് എന്നിവയുടെ ബാനറില്‍ സംവിധായകനായ ജോണ്‍ പോള്‍ ജോര്‍ജ്, ഛായാഗ്രാഹകനായ ഗിരീഷ് ഗംഗാധരന്‍, സൗബിന്‍ ഷാഹിര്‍, സുഷിന്‍ ശ്യാം എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. സുഷിന്‍ ശ്യാം സംഗീതവും സാനു താഹിര്‍ ക്യാമറയും നിര്‍വഹിച്ചിരിക്കുന്നു. ഹൊറര്‍ കോമഡി എന്‍റര്‍ടെയ്‌നറായ ചിത്രം ഒക്‌ടോബര്‍ 14ന് തിയേറ്ററുകളിലെത്തും.
