Jersey release postponed once again: ഷാഹിദ്‌ കപൂറിന്‍റെ ഏറ്റവും പുതിയ ചിത്രമായ ജെഴ്‌സിയുടെ റിലീസ്‌ വീണ്ടും മാറ്റിവച്ചു. ഏപ്രില്‍ 14ന്‌ തിയേറ്ററുകളിലെത്തിക്കാന്‍ നിശ്ചയിച്ചിരുന്ന ചിത്രത്തിന്‍റെ റിലീസ്‌ തീയതി മാറ്റിവച്ചിരിക്കുകയാണ് അണിയറപ്രവര്‍ത്തകര്‍. റിപ്പോര്‍ട്ടുകള്‍ പ്രകാരം ഏപ്രില്‍ 22 ആണ് ജെഴ്‌സി തിയേറ്ററുകളിലെത്തുക.
Taran Adarsh shares Jersey release date: ജെഴ്‌സി റിലീസ്‌ മാറ്റിവച്ച വിവരം ട്രെയ്‌ഡ്‌ അനലിസ്‌റ്റ്‌ തരണ്‍ ആദര്‍ശ്‌ ആണ് അറിയിച്ചത്‌. പുതിയ റിലീസ്‌ തീയതി അദ്ദേഹം ട്വീറ്റ്‌ ചെയ്യുകയായിരുന്നു. 'ഒരാഴ്‌ചത്തേയ്‌ക്ക്‌ ജെഴ്‌സിയുടെ റിലീസ്‌ നീട്ടി വെച്ചിരിക്കുകയാണ്. 2022 ഏപ്രില്‍ 22ന്‌ ചിത്രം തിയേറ്ററുകളിലെത്തും. സിനിമയുമായി ബന്ധപ്പെട്ടവര്‍ കഴിഞ്ഞ ദിവസം അര്‍ദ്ധരാത്രിയിലാണ് തീരുമാനമെടുത്തത്‌.'-തരണ്‍ ആദര്‍ശ്‌ ട്വീറ്റ്‌ ചെയ്‌തു.
Jersey release clash: ദളപതി വിജയുടെ 'ബീസ്‌റ്റ്‌', യാഷിന്‍റെ 'കെജിഎഫ്‌ 2' എന്നീ ചിത്രങ്ങളുമായുള്ള ക്ലാഷ്‌ ഒഴിവാക്കാനാണ് അണിയറപ്രവര്‍ത്തകര്‍ സിനിമയുടെ റിലീസ്‌ മാറ്റിവച്ചത്‌. 'കെജിഎഫ്‌ 2' ഏപ്രില്‍ 14നും 'ബീസ്‌റ്റ്‌' ഏപ്രില്‍ 13നുമാണ് തിയേറ്ററുകളിലെത്തുക. നേരത്തെ 2021 ഡിസംബര്‍ 31നാണ് ചിത്രം തിയേറ്ററുകളില്‍ എത്തിക്കാന്‍ നിശ്ചയിച്ചിരുന്നത്‌. പ്രഖ്യാപന സമയത്ത്‌ 2020 ഓഗസ്‌റ്റില്‍ ചിത്രം തിയേറ്ററുകളിലെത്തിക്കാനായിരുന്നു അണിയറപ്രവര്‍ത്തകരുടെ തീരുമാനം.
Jersey trailer: സ്‌പോര്‍ട്‌സ്‌ ഡ്രാമയായി ഒരുക്കുന്ന ചിത്രത്തിന്‍റെ ട്രെയ്‌ലര്‍ അടുത്തിടെയാണ് പുറത്തിറങ്ങിയത്‌. ഒന്നര മിനിറ്റ്‌ ദൈര്‍ഘ്യമുള്ള ട്രെയ്‌ലറില്‍ ഷാഹിദിന്‍റെ കഥാപാത്രത്തിന്‍റെ ക്രിക്കറ്റിലേയ്‌ക്കുള്ള യാത്രയാണ് ട്രെയ്‌ലറില്‍ ദൃശ്യവത്ക്കരിക്കുന്നത്‌. അര്‍ജുന്‍ റായ്‌ചന്ദ്‌ എന്ന കഥാപാത്രത്തെയാണ് ചിത്രത്തില്‍ ഷാഹിദ്‌ അവതരിപ്പിക്കുന്നത്‌. ജീവിതത്തില്‍ വിജയം നേടാന്‍ കഴിയാതെ പോയ ഒരു ക്രിക്കറ്ററുടെ വേഷമാണ് സിനിമയില്‍ ഷാഹിദിന്. ഒരു ജെഴ്‌സി വേണമെന്ന മകന്‍റെ ആഗ്രഹം സാധിക്കാന്‍ കഷ്‌ടപ്പെടുന്ന അവസ്ഥയാണ് അര്‍ജുന്‍ റായ്‌ചന്ദിന്‌.
Jersey cast and crew: മൃണാള്‍ താക്കൂറാണ് ചിത്രത്തില്‍ നായികയായെത്തുന്നത്‌. റോണിത്‌ കംറ, പങ്കജ്‌ കപൂര്‍, ഷരദ്‌ കേല്‍ക്കര്‍ തുടങ്ങിയവരും ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കും. അനില്‍ മെഹ്‌ത ആണ് ഛായാഗ്രഹണം. നവീന്‍ നൂലി എഡിറ്റിങും നിര്‍വഹിക്കും. അനിരുദ്ധ്‌ രവിചന്ദര്‍ ആണ് പശ്ചാത്തല സംഗീതം. ദില്‍ രാജു, എസ്‌ നാഗ വംശി, അമന്‍ ഗില്‍ എന്നിവരാണ് നിര്‍മാണം.
Jersey Telugu remake: തെലുങ്ക്‌ സംവിധായകന്‍ ഗൗതം തിണ്ണനുറിയാണ് സംവിധാനം. ഗൗതം തിണ്ണനുറിയുടെ ബോളിവുഡ്‌ അരങ്ങേറ്റ ചിത്രം കൂടിയാണിത്‌. നാനിയെ നായകനാക്കി ഗൗതം 2019ല്‍ തെലുങ്കില്‍ ഒരുക്കിയ ഇതേപേരിലുള്ള (ജെഴ്‌സി) ചിത്രത്തിന്‍റെ റീമേക്കാണ് സിനിമ.
Also Read: Jersey | പപ്പാ, ഹൃദയം തുറന്ന് കളിക്ക്‌; മകന്‍റെ ആഗ്രഹം നിറവേറ്റാന്‍ കഷ്‌ടപ്പെടുന്ന താരം
