Tiger 3 new release date: 'ടൈഗര്‍ 3'യുടെ പുതിയ റിലീസ് തീയതി പുറത്തുവിട്ട് സല്‍മാന്‍ ഖാന്‍. ദീപാവലി റിലീസായി 2023ല്‍ ചിത്രം തിയേറ്ററുകളിലെത്തും. നേരത്തെ 2023 ഏപ്രില്‍ 21ന് റിലീസ് ചെയ്യാനായിരുന്നു അണിയറപ്രവര്‍ത്തകര്‍ നിശ്ചയിച്ചിരുന്നത്.
Salman Khan announces Tiger 3 release: ട്വീറ്റിലൂടെയാണ് താരം 'ടൈഗര്‍ 3'യുടെ റിലീസ് തീയതി പുറത്തുവിട്ടിരിക്കുന്നത്. സിനിമയുടെ പുതിയ പോസ്‌റ്റര്‍ പുറത്തുവിട്ടുകൊണ്ടാണ് റിലീസ് തീയതി താരം പങ്കുവച്ചിരിക്കുന്നത്. 'ടൈഗറിന് ഒരു പുതിയ തീയതിയുണ്ട്.. അത് 2023 ദീപാവലി റിലീസായാണ് എത്തുക. നിങ്ങളുടെ ഏറ്റവും അടുത്തുള്ള തിയേറ്ററുകളില്‍ ചിത്രം ആഘോഷിക്കു. ഹിന്ദി, തമിഴ്‌, തെലുഗു എന്നീ ഭാഷകളില്‍ 'ടൈഗര്‍ 3' റിലീസ് ചെയ്യും'. ടൈഗര്‍ 3, യാഷ്‌രാജ്‌ ഫിലിംസ് 50, കത്രീന കെയ്‌ഫ്‌, മനീഷ്‌ ശര്‍മ എന്നീ ഹാഷ്‌ടാഗുകളോടു കൂടിയായിരുന്നു സല്‍മാന്‍ ഖാന്‍റെ ട്വീറ്റ്.
Tiger 3 solo release: 'ടൈഗര്‍ 3' അടുത്ത വര്‍ഷം ദീപാവലി റിലീസായതോടെ ബോക്‌സോഫിസില്‍ സല്‍മാന്‍ ചിത്രത്തോട്‌ മത്സരിക്കാന്‍ മറ്റ് സിനിമകളില്ല എന്നാണ് റിപ്പോര്‍ട്ടുകള്‍. എന്നാല്‍ കമല്‍ ഹാസന്‍ നായകനായെത്തുന്ന ശങ്കര്‍ ചിത്രം 'ഇന്ത്യന്‍ 2'വും 2023 ദീപാവലി റിലീസായെത്തുമെന്നാണ് പറയപ്പെടുന്നതെങ്കിലും ഇതുവരെ ഔദ്യോഗിക സ്ഥിരീകരണം ഉണ്ടായിട്ടില്ല.
Katrina Salman fight scenes in Tiger 3: മനീഷ്‌ ശര്‍മ സംവിധാനം ചെയ്യുന്ന ചിത്രത്തില്‍ കത്രീന കെയ്‌ഫ്‌ ആണ് സല്‍മാന്‍റെ നായിക. സിനിമയിൽ സൽമാനും കത്രീനയും ചില കഠിനമായ ഫൈറ്റുകള്‍ സമ്മാനിക്കും. ചിത്രത്തില്‍ അതിഥി വേഷത്തില്‍ ഷാരൂഖ് ഖാനും പ്രത്യക്ഷപ്പെടും.
Shah Rukh Khan with Salmaan Khan: ഒരിടവേളയ്‌ക്ക്‌ ശേഷമാണ് ഷാരൂഖ് ഖാനും സല്‍മാനും ഒന്നിക്കുന്നത്. ഇതേ കുറിച്ച് അടുത്തിടെ ഷാരൂഖ് മനസുതുറന്നിരുന്നു. 'സല്‍മാനൊപ്പം നിരവധി അനുഭവങ്ങളുണ്ട്. സ്‌നേഹാനുഭവം, സൗഹൃദാനുഭവം, സഹോദരാനുഭവം, സന്തോഷകരമായ അനുഭവം തുടങ്ങിയ അനുഭവങ്ങള്‍ ഉണ്ട്. പക്ഷേ ഇതുവരെ ഒന്നിച്ച് പ്രവര്‍ത്തിച്ചത് പോലെ തോന്നിയിട്ടില്ല. അതിനാല്‍ അദ്ദേഹത്തോടൊപ്പം പ്രവര്‍ത്തിക്കുമ്പോഴെല്ലാം നല്ല അനുഭവമായിരുന്നു. ഒരു മുഴുനീള സിനിമയില്‍ ഇതുവരെ ഒന്നിച്ച് പ്രവര്‍ത്തിച്ചിട്ടില്ല. എന്നാല്‍ ഒന്നിച്ചഭിനയിച്ച സിനിമ ഒരു മുഴുനീള ചിത്രവുമായിരുന്നില്ല', ഷാരൂഖ് പറഞ്ഞു.
Also Read: കത്രീനയുടെയും വിക്കിയുടെയും ആദ്യ വാലന്‍ന്‍റൈന്‍സ്‌ ഡേ സല്‍മാന്‍ ഖാന്‍ മുടക്കുമോ?
