'ചങ്കിന് ചങ്കേ ചെങ്കൊടി തന്നെ പിടിക്ക്,
ചങ്കൂറ്റമോടെ നീ ചെങ്കനാലി മുളയ്‌ക്ക്'
സിരകളില്‍ ആവേശം കൊള്ളിക്കുന്ന ഈ വിപ്ലവ ഗാനം ആണിപ്പോള്‍ സോഷ്യല്‍ മീഡിയയുടെ ശ്രദ്ധ ആകര്‍ഷിക്കുന്നത്. ഹാരിസ് (Harris) സംവിധാനം ചെയ്യുന്ന 'മിസ്‌റ്റര്‍ ഹാക്കര്‍' (Mr Hacker) എന്ന സിനിമയിലെ വീഡിയോ ഗാനമാണ് 'ചങ്കിന് ചങ്കേ' (Chankinu Chanke song). നജീം അര്‍ഷാദ് ആലപിച്ച ഈ ഗാനം സോഷ്യല്‍ മീഡിയില്‍ വൈറലാവുകയാണ്.
രാജീവ് ആലുങ്കലിന്‍റെ മനോഹര വരികള്‍ക്ക് സുമേഷ് കൂട്ടിക്കല്‍ ആണ് സംഗീതം പകര്‍ന്നിരിക്കുന്നത്. സമൂഹത്തില്‍ സ്‌ത്രീകള്‍ക്കെതിരെ നടക്കുന്ന കൊള്ളരുതായ്‌മകളോട് തല്‍ക്ഷണം പ്രതികരിച്ച്, കുറ്റവാളികള്‍ക്ക് മരണ ശിക്ഷ കല്‍പ്പിച്ച് സ്വയം നീതി നടപ്പിലാക്കുന്ന ഒരു കൂട്ടത്തെയാണ് മൂന്നര മിനിറ്റ് ദൈര്‍ഘ്യമുള്ള വീഡിയോ ഗാനത്തില്‍ (Mr Hacker Video Song) കാണാനാവുക.
- " class="align-text-top noRightClick twitterSection" data="">
സംവിധായകന്‍ ഹാരിസ് തന്നെയാണ് സിനിമയുടെ കഥയും തിരക്കഥയും ഒരുക്കിയിരിക്കുന്നത്. സിഎഫ്‌സി ഫിലിംസിന്‍റെ ബാനറിൽ ആണ് സിനിമയുടെ നിര്‍മാണം. ഭീമൻ രഘു, പാഷാണം ഷാജി, സോഹൻ സീനു ലാൽ, ഹാരിസ്, എം.എ. നിഷാദ്, മാണി സി കാപ്പൻ, അന്ന രേഷ്‌മ രാജൻ, ഉല്ലാസ് പന്തളം, ദേവൻ, ഷെഫീഖ് റഹ്‌മാൻ, സാജു നവോദയ, ടോണി ആൻ്റണി, അൽമാസ് മോട്ടിവാല, അർച്ചന, അക്ഷര രാജ്, രജനി ചാണ്ടി, അംബിക മോഹൻ, ബിന്ദു വരാപ്പുഴ, ഗീത വിജയൻ, നീന കുറുപ്പ് എന്നിവരും ചിത്രത്തില്‍ അണിനിരക്കുന്നു.
കലാ സംവിധാനം - രാജൻ ചെറുവത്തൂർ, വസ്ത്രാലങ്കാരം - ഗായത്രി നിർമ്മല, മേക്കപ്പ് - മനു പാലോട്, ആക്ഷൻ - അഷറഫ് ഗുരുക്കൾ, ജിറോഷ്, ചീഫ് അസോസിയേറ്റ് ഡയറക്‌ടർ - ചാക്കോ കാഞ്ഞൂപ്പറമ്പൻ, അസോസിയേറ്റ് ഡയറക്‌ടർ - വിനോദ് ചന്ദ്രൻ, എക്‌സിക്യൂട്ടീവ് പ്രൊഡ്യൂസർ - അബ്‌ദുൽ സമദ്, രമ ജോർജ്, പ്രോജക്‌ട്‌ ഡിസൈനർ - ഷാജിത്ത് തിക്കോടി, പബ്ലിസിറ്റി ഡിസൈൻസ് - രാഹുൽ രാജ്, സ്‌റ്റിൽസ് - ഷാലു പേയാട്, പിആർഒ - പി ശിവപ്രസാദ്, നിയാസ് നൗഷാദ് എന്നിവരും നിര്‍വഹിക്കുന്നു.
കാസര്‍ഗോള്‍ഡിലെ ബാര്‍ ഗാനം: അടുത്തിടെ ആസിഫ് അലി (Asif Ali) നായകനായി എത്തുന്ന 'കാസര്‍ഗോള്‍ഡി'ലെ (Kasargold) ആദ്യ വീഡിയോ ഗാനം പുറത്തിറങ്ങിയിരുന്നു (Kasargold first video song). ചിത്രത്തിലെ 'താനാരോ' എന്ന ഗാനമാണ് (Thanaro video song) പുറത്തിറങ്ങിയത്. ഒരു ബാര്‍ പശ്ചാത്തലത്തില്‍ നാടന്‍ ശൈലിയില്‍ ഉള്ളതായിരുന്നു 'താനാരോ' ഗാനം (Kasargold Song Thanaro). വൈശാഖ് സുഗുണന്‍റെ ഗാനരചനയില്‍ നിരഞ്ജ് സുരേഷിന്‍റെ സംഗീതത്തില്‍ നിരഞ്ജ് സുരേഷ്, തങ്കച്ചന്‍ അബി എന്നിവര്‍ ചേര്‍ന്നാണ് 'താനാരോ' ഗാനം ആലപിച്ചിരിക്കുന്നത്.
ആസിഫ് അലിയെ കൂടാതെ വിനായകന്‍, സണ്ണി വെയ്‌ന്‍ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. കൂടാതെ സിദ്ദിഖ്, മാളവിക ശ്രീനാഥ്, സാഗർ സൂര്യ, ദീപക് പറമ്പോല്‍, സമ്പത്ത് റാം, ശ്രീരഞ്ജിനി നായർ, ധ്രുവൻ, ജെയിംസ് ഏലിയ, പ്രശാന്ത് മുരളി, അഭിറാം രാധാകൃഷ്‌ണൻ തുടങ്ങിയവരും ചിത്രത്തില്‍ അണിനിരക്കുന്നുണ്ട്. മൃദുൽ നായർ ആണ് 'കാസര്‍ഗോള്‍ഡി'ന്‍റെ കഥയും സംവിധാനവും.
Also Read: Kasargold Song Thanaro : കാസര്‍ഗോള്‍ഡിലെ ബാര്‍ ഗാനം എത്തി ; ആടിത്തകര്‍ത്ത് ആസിഫ് അലിയും കൂട്ടരും
