Alone OTT release date: മോഹന്ലാല് ഷാജി കൈലാസ് കൂട്ടുകെട്ടിലൊരുങ്ങിയ 'എലോണ്' ഇനി ഒടിടിയില്.. ജനുവരി 26ന് തിയേറ്ററുകളിലെത്തിയ ചിത്രം ഒരു മാസത്തോടടുക്കുമ്പോഴാണ് ഒടിടി റിലീസിനൊരുങ്ങുന്നത്. മാര്ച്ച് മൂന്നിന് ഡിസ്നി പ്ലസ് ഹോട്ട്സ്റ്റാറിലൂടെയാണ് 'എലോണ്' ഒടിടിയില് എത്തുന്നത്.
Mohanlal s first release in 2023: 2023ലെ മോഹന്ലാലിന്റെ ആദ്യ റിലീസ് കൂടിയായിരുന്നു 'എലോണ്'. ബോക്സോഫിസില് ചിത്രത്തിന് അധികം തിളങ്ങാന് കഴിഞ്ഞിരുന്നില്ല. തിയേറ്ററില് സമ്മിശ്ര പ്രതികരണം ലഭിച്ച 'എലോണ്' ഒടിടി റിലീസിലൂടെ കൂടുതല് പേരിലേക്ക് എത്തുമെന്നാണ് അണിയറപ്രവര്ത്തകരുടെ പ്രതീക്ഷ.
Mohanlal s makeover in Alone: കാളിദാസ് എന്ന കഥാപാത്രത്തെയാണ് ചിത്രത്തില് മോഹന്ലാല് അവതരിപ്പിച്ചിരിക്കുന്നത്. സിനിമയിലെ താരത്തിന്റെ പ്രകടനത്തിന് മികച്ച പ്രതികരണമാണ് ലഭിച്ചിരുന്നത്. സമീപകാല ചിത്രങ്ങളില് നിന്നും വളരെ വ്യത്യസ്ത ഗെറ്റപ്പിലാണ് 'എലോണില്' താരം പ്രത്യക്ഷപ്പെട്ടത്. ഹെയര്സ്റ്റൈലിലും വസ്ത്രധാരണത്തിലും അടിമുടി മാറിയ ലുക്കായിരുന്നു താരം.
Alone storyline: പാന്ഡെമിക് ലോക്ഡൗണ് കാരണം, ഒരു അപ്പാര്ട്ട്മെന്റില് കുടുങ്ങിപ്പോയ ഒരു മനുഷ്യനെ ചുറ്റിപ്പറ്റിയാണ് സിനിമയുടെ കഥ പുരോഗമിക്കുന്നത്. പേരിനെ അര്ഥമാക്കുന്ന തരത്തില് 'എലോണി'ല് മോഹന്ലാലിന്റെ വണ്മാന് ഷോ മാത്രമാണ് കാണാനാവുക. ഇത് തന്നെയാണ് സിനിമയുടെ പ്രത്യേകതയും.
Alone cast and crew: രാജേഷ് ജയരാമനാണ് സിനിമയുടെ തിരക്കഥ ഒരുക്കിയത്. ഡോണ് മാക്സ് എഡിറ്റിംഗും അഭിനന്ദ് രാമാനുജം ഛായാഗ്രഹണവും നിര്വഹിച്ചു. ജേക്സ് ബിജോയ് ആണ് സിനിമയ്ക്ക് വേണ്ടി സംഗീതം ഒരുക്കിയത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് നിര്മാണം. ഈ ബാനറില് ഒരുക്കിയ 30-ാമത്തെ ചിത്രം കൂടിയായിരുന്നു 'എലോണ്'.
Mohanlal Shaji Kailas combo: റെഡ് ചില്ലീസിന് വേണ്ടിയാണ് ഇതിന് മുമ്പ് മോഹന്ലാലും ഷാജി കൈലാസും ഒന്നിച്ചത്. 13 വര്ഷങ്ങള്ക്ക് ശേഷം 'എലോണിലൂ'ടെയാണ് ഈ കൂട്ടുകെട്ട് വീണ്ടും സംഭവിച്ചത്.