ഉണ്ണി മുകുന്ദനെ (Unni Mukundan) നായകനാക്കി ഹനീഫ് അദേനി സംവിധാനം ചെയ്യുന്ന പുതിയ സിനിമയുടെ ടൈറ്റില്‍ പുറത്ത്. 'മാര്‍ക്കോ' (Marco) എന്നാണ് ചിത്രത്തിന് പേരിട്ടിരിക്കുന്നത്. 'മാര്‍ക്കോ'യുടെ ഫസ്റ്റ് ലുക്ക് മോഷന്‍ പോസ്‌റ്റര്‍ പുറത്തിറങ്ങി (Marco First Look Motion Poster).
ഉണ്ണി മുകുന്ദനാണ് തന്‍റെ ഫേസ്‌ബുക്ക് പേജിലൂടെ സിനിമയുടെ ഫസ്റ്റ് ലുക്ക് മോഷന്‍ പോസ്‌റ്റര്‍ പുറത്തുവിട്ടത്. ഒരു അടിക്കുറിപ്പിനൊപ്പമാണ് ഉണ്ണി മുകുന്ദന്‍ 'മാര്‍ക്കോ'യുടെ ഫസ്റ്റ് ലുക്ക് പങ്കുവച്ചത്. 'നിങ്ങൾ അവന്‍റെ വില്ലത്തരം കണ്ടു! ഇനി വീരഗാഥകൾക്ക് സാക്ഷിയാകൂ!! മാര്‍ക്കോ ഫസ്റ്റ് ലുക്ക് പുറത്ത്. ഹലോ, മാർക്കോ!' -ഇപ്രകാരം കുറിച്ച് കൊണ്ടാണ് ഉണ്ണി മുകുന്ദന്‍ മോഷന്‍ പോസ്‌റ്റര്‍ പങ്കുവച്ചിരിക്കുന്നത് (Unni Mukundan Facebook Post).
- " class="align-text-top noRightClick twitterSection" data="">
2019ല്‍ നിവിന്‍ പോളിയെ (Nivin Pauly) നായകനാക്കി ഹനീഫ് അദേനി (Haneef Adeni) ഒരുക്കിയ 'മിഖായേല്‍' (Mikhael) എന്ന സിനിമയില്‍ ഉണ്ണി മുകുന്ദന്‍ അവതരിപ്പിച്ച പ്രതിനായക കഥാപാത്രമാണ് മാര്‍ക്കോ ജൂനിയര്‍. 2023ല്‍ ഉണ്ണി മുകുന്ദനെ നായകനാക്കി ഹനീഫ് അദേനി ചിത്രം ഒരുക്കുമ്പോള്‍ 'മിഖായേലി'ലെ മാര്‍ക്കോ ജൂനിയറാണ് ഇവിടെ കേന്ദ്രകഥാപാത്രമാകുന്നത്.
- " class="align-text-top noRightClick twitterSection" data="">
'മാര്‍ക്കോ'യുടെ ഫസ്റ്റ് ലുക്ക് മോഷന്‍ പോസ്‌റ്ററില്‍ 'മിഖായേലി'ലെ മാര്‍ക്കോയുടെ തീം മ്യൂസികും ഉള്‍പ്പെടുത്തിയിരുന്നു. നിലത്ത് ഛേദിക്കപ്പെട്ട ഒരു കൈയ്‌ക്ക് അരികില്‍ കയ്യില്‍ ചോരയൊലിക്കുന്ന വാളുമേന്തി ഇരിപ്പിടത്തില്‍ ഇരിക്കുന്ന ഉണ്ണി മുകുന്ദന്‍റെ അവ്യക്തമായ മുഖമാണ് 'മാര്‍ക്കോ'യുടെ ഫസ്റ്റ് ലുക്ക് മോഷന്‍ പോസ്‌റ്ററില്‍.
ഉണ്ണി മുകുന്ദന്‍റെ അഭിനയ ജീവിതത്തിലെ തീര്‍ത്തും വ്യത്യസ്‌തമായൊരു സ്‌റ്റൈലിഷ് വില്ലന്‍ വേഷങ്ങളില്‍ ഒന്നാകും മാര്‍ക്കോ എന്നതില്‍ സംശയമില്ല. 'മിഖായേലി'ലെ മാര്‍ക്കോ ജൂനിയറുടെ വില്ലത്തരം പ്രേക്ഷക ശ്രദ്ധ നേടിയിരുന്നു. 'മാര്‍ക്കോ'യിലൂടെ ഇതാദ്യമായാണ് മലയാള സിനിമ ചരിത്രത്തില്‍ ഒരു വില്ലന്‍റെ സ്‌പിന്‍ ഓഫ് ചിത്രം വരുന്നത്.
ഇതോടെ മലയാള സിനിമയില്‍ പുതിയൊരു തുടക്കം സൃഷ്‌ടിക്കുകയാണ് ഹനീഫ് അദേനി. ഒരു ആക്ഷന്‍ എന്‍റര്‍ടെയ്‌നര്‍ വിഭാഗത്തിലായാണ് 'മാര്‍ക്കോ' ഒരുങ്ങുന്നത്. ഏറ്റവും വയലന്‍സ് നിറഞ്ഞ മലയാള ചിത്രങ്ങളില്‍ ഒന്നാകും 'മാര്‍ക്കോ' എന്നതില്‍ സംശയമില്ല. 30 കോടി ബജറ്റില്‍ ഒരുക്കുന്ന സിനിമയുടെ നിര്‍മാണം ക്യൂബ്‌സ്‌ എന്‍റര്‍ടെയ്‌ന്‍മെന്‍റാണ്.
അതേസമയം 'ജയ്‌ ഗണേഷ്' (Jai Ganesh) ആണ് ഉണ്ണി മുകുന്ദന്‍റെ മറ്റൊരു പുതിയ ചിത്രം. രഞ്ജിത്ത് ശങ്കര്‍ സംവിധാനം ചെയ്യുന്ന ചിത്രം പ്രഖ്യാപനം മുതല്‍ വാര്‍ത്ത തലക്കെട്ടുകളില്‍ ഇടംപിടിച്ചിരുന്നു. 'ജയ്‌ ഗണേഷി'ലൂടെ ഉണ്ണി മുകുന്ദനും സംവിധായകന്‍ രഞ്ജിത്ത് ശങ്കറും ഇതാദ്യമായാണ് ഒന്നിച്ചെത്തുന്നത്. നവംബര്‍ 10ന് സിനിമയുടെ ചിത്രീകരണം ആരംഭിക്കും.
'ഗന്ധര്‍വ്വ ജൂനിയര്‍' (Gandharva Junior) ആണ് ഉണ്ണി മുകുന്ദന്‍റെ മറ്റൊരു പുതിയ പ്രോജക്‌ട്. പേര് സൂചിപ്പിക്കുന്നത് പോലെ ഫാന്‍റസിയും ഹാസ്യവും കലര്‍ന്ന ചിത്രമാണ് 'ഗന്ധര്‍വ്വ ജൂനിയര്‍'. ഒരു ഗന്ധർവ്വന്‍റെ അപ്രതീക്ഷിത വരവ് ഉപകാരവും ഉപദ്രവവുമാവുന്ന നർമ നിമിഷങ്ങളിലൂടെയാണ് ചിത്രം കഥ പറയുന്നത്. വിഷ്‍ണു അരവിന്ദ് സംവിധാനം ചെയ്യുന്ന ചിത്രത്തിന് തിരക്കഥ ഒരുക്കിയിരിക്കുന്നത് സുജിൻ സുജാതനും, പ്രവീണ്‍ പ്രഭാറാമും ചേര്‍ന്നാണ്.
