KGF 2 now on amazon prime: 'കെജിഎഫ്‌ 2' തിയേറ്ററില്‍ കാണാന്‍ കഴിയാത്തവര്‍ക്ക്‌ ഒരു സുവര്‍ണ്ണാവസരം. 'കെജിഎഫ്‌ 2' ഇനി മുതല്‍ ആമസോണ്‍ പ്രൈമില്‍ കാണാം. ഓണ്‍ലൈന്‍ ഡിജിറ്റല്‍ റിലീസിനായി കാത്തിരിക്കുന്ന സിനിമ പ്രേമികള്‍ക്ക് കെജിഎഫ്‌ 2 നേരത്തെ തന്നെ കാണാനുള്ള സൗകര്യമൊരുക്കുകയാണ് ആമസോണ്‍ പ്രൈം.
KGF 2 now available to rent:പക്ഷേ ഒരു നിബന്ധന മാത്രം. സൗജന്യമായല്ല ചിത്രം ആമസോണ്‍ പ്രൈമില്‍ ലഭ്യമാവുക. 199 രൂപ വാടകയ്‌ക്കാണ് 'കെജിഎഫ്‌ 2' പ്രൈമില്‍ ലഭ്യമാവുക. ആമസോണ്‍ പ്രൈം വരിക്കാര്‍ക്കും ഇതുവരെ പ്രൈം അംഗമല്ലാത്തവര്‍ക്കും ചിത്രം വാടകയ്‌ക്ക്‌ ലഭിക്കും. കന്നഡ, ഹിന്ദി, തമിഴ്‌, തെലുങ്ക്‌, മലയാളം എന്നീ ഭാഷകളിലാണ് ചിത്രം ലഭ്യമാവുക. സിനിമയുടെ എച്ച്‌ഡി പതിപ്പുകളാണ് ലഭ്യമാവുക. സിനിമകള്‍ വാടകയ്‌ക്ക്‌ എടുക്കുന്നവര്‍ക്ക് ചിത്രം 30 ദിവസത്തേയ്‌ക്കാണ് കാണാന്‍ അവസരമുണ്ടാവുക. വാടകയ്‌ക്ക്‌ എടുക്കുന്ന തീയതി മുതല്‍ പ്രൈമില്‍ ആ സിനിമ കാണാം.
KGF 2 IMAX release: 'കെജിഎഫ്‌ 2' ഐമാക്‌സ്‌ ഫോര്‍മാറ്റിലും റിലീസ്‌ ചെയ്‌തിരുന്നു. ഒരു കന്നഡ ചിത്രത്തിന്‍റെ ആദ്യ ഐമാക്‌സ്‌ റിലീസായിരുന്നു ഇത്‌. സാധാരണ ഫോര്‍മാറ്റിലുള്ള റിലീസിനേക്കാള്‍ ഒരു ദിവസം മുമ്പേ ചിത്രം ഐമാക്‌സില്‍ പ്രദര്‍ശനത്തിനെത്തിയിരുന്നു. ഏപ്രില്‍ 13നായിരുന്നു 'കെജിഎഫ്‌ 2' ന്‍റെ ഐമാക്‌സ്‌ റിലീസ്‌.
KGF 2 maintains pace: ഏപ്രില്‍ 14നാണ് ചിത്രം ലോകമെമ്പാടുമുള്ള തിയേറ്ററുകളില്‍ റിലീസിനെത്തിയത്‌. കന്നഡയ്‌ക്ക്‌ പുറമെ ചിത്രം തമിഴ്‌, തെലുങ്ക്‌, മലയാളം, ഹിന്ദി എന്നീ ഭാഷകളില്‍ പ്രദര്‍ശനത്തിനെത്തിയിരുന്നു. ദളപതി വിജയ്‌യുടെ 'ബീസ്‌റ്റി'നൊപ്പം ബോക്‌സ്‌ഓഫീസിലും ചിത്രം ഏറ്റുമുട്ടി. ലോകമെമ്പാടുമുള്ള ബോക്‌സ്‌ഓഫീസില്‍ 'കെജിഎഫി'ന് ആധിപത്യം നിലനിര്‍ത്താന്‍ കഴിഞ്ഞു എന്നതും ചിത്രത്തിന്‍റെ പ്രത്യേകതയാണ്‌.
All about KGF 2: പീരീഡ്‌ ഡ്രാമ ഗ്യാങ്‌സ്‌റ്റര്‍ വിഭാഗത്തിലായാണ് ചിത്രം ഒരുങ്ങിയത്‌. പൃഥ്വിരാജ്‌ പ്രൊഡക്ഷന്‍സാണ് ചിത്രം കേരളത്തില്‍ വിതരണത്തിനെത്തിച്ചത്‌. 2018ലാണ് 'കെജിഎഫി'ന്‍റെ ആദ്യ ഭാഗം പുറത്തിറങ്ങിയത്‌. യഷ്‌ അവതരിപ്പിച്ച റോക്കി തന്നെയാണ് രണ്ട്‌ ഭാഗങ്ങളിലെയും പ്രധാന ആകര്‍ഷണം.
KGF 2 stars: അധീര എന്ന വേഷം ചെയ്‌ത സഞ്ജയ്‌ ദത്ത്‌ ആണ് ചിത്രത്തില്‍ റോക്കി ഭായുടെ വില്ലനായെത്തിയത്‌. ശ്രീനിധി ഷെട്ടി, പ്രകാശ്‌ രാജ്‌, മാളവിക അവിനാഷ്‌, ശരണ്‍, ഈശ്വരി റാവു തുടങ്ങിയവരും ചിത്രത്തില്‍ അണിനിരന്നു. സംവിധായകന്‍ പ്രശാന്ത്‌ നീല്‍ തന്നെയാണ് 'കെജിഎഫ്‌ 2'ന്‍റെ കഥയും എഴുതിയിരിക്കുന്നത്‌. ഹോംബാലെ ഫിലിംസിന്‍റെ ബാനറില്‍ കിരഗന്ദൂര്‍ ആണ് സിനിമയുടെ നിര്‍മാണം.
