കർണാടക : ഹിന്ദിയിൽ റെക്കോർഡ് സൃഷ്‌ടിച്ച് 'കെജിഎഫ് 2'. ബാഹുബലിക്ക് ശേഷം ഹിന്ദി പതിപ്പിൽ ഏറ്റവും കൂടുതൽ കളക്ഷൻ നേടിയ ചിത്രം എന്ന നേട്ടം കരസ്ഥമാക്കിയിരിക്കുകയാണ് ചിത്രം. ആമിർ ഖാന്‍റെ 'ദംഗലി'ന്‍റെ ഹിന്ദി പതിപ്പ് കുറിച്ച റെക്കോർഡ് തകർത്തിരിക്കുകയാണ് റോക്കിംഗ് സ്റ്റാർ യാഷ് നായകനായ 'കെജിഎഫ് 2'. സിനിമ അനലിസ്റ്റ് തരൺ ആദർശാണ് ഈ വിവരം ട്വീറ്റിലൂടെ പുറത്തുവിട്ടത്.
Also read: കോടികള്‍ അമ്മാനമാടി കെജിഎഫ് 2 ; ഒടിടി റൈറ്റ്‌സ്‌ വിറ്റുപോയത് റെക്കോര്‍ഡ്‌ തുകയ്‌ക്ക്‌
ബാഹുബലി 2 ഹിന്ദി പതിപ്പ് 510.99 കോടി രൂപയാണ് നേടിയത്. 387.38 കോടി രൂപയാണ് ദംഗലിന്‍റെ ഹിന്ദി പതിപ്പ് നേടിയത്. എന്നാൽ, റിലീസ് ചെയ്‌ത് 21 ദിവസം പിന്നിടുമ്പോൾ 391.65 കോടി രൂപ കളക്ഷൻ നേടി കെജിഎഫ് 2 ദംഗലിനെ മറികടന്നു.
ആമിർ ഖാന്‍റെ ദംഗൽ ലോകമെമ്പാടും നേടിയത് 2024 കോടി രൂപയാണ്. 'ബാഹുബലി 2' നേടിയത് 1,810 കോടി രൂപയും. കെജിഎഫ് ചാപ്റ്റർ-2 ഇതുവരെ 1,056 കോടി രൂപ സമാഹരിച്ചു.
