Vikram Tamil Nadu collection: റിലീസ്‌ ചെയ്‌ത്‌ മൂന്ന് വാരം പിന്നിടുമ്പോഴും കമല്‍ഹാസന്‍റെ 'വിക്രം' തമിഴ് നാട്ടില്‍ മികച്ച രീതിയില്‍ മുന്നേറുകയാണ്. ജൂണ്‍ മൂന്നിന് തിയേറ്ററുകളിലെത്തിയ ചിത്രം റെക്കോഡുകള്‍ ഭേദിച്ച്‌ പ്രദര്‍ശനം തുടരുന്നു. ലോകമെമ്പാടുമായി ഇതുവരെ 'വിക്രം' 375 കോടി നേടിയെന്നാണ് റിപ്പോര്‍ട്ടുകള്‍.
Vikram box office collection: ഉടന്‍ തന്നെ ചിത്രം 400 കോടി ക്ലബ്ബില്‍ ഇടംപിടിക്കുമെന്നാണ് കണക്കുക്കൂട്ടല്‍. ആഗോള ബോക്‌സ്‌ ഓഫിസില്‍ നിന്നും ആദ്യവാരം 300 കോടി ക്ലബ്ബിലും ഇടംപിടിച്ചു. സിനിമയെ അണ്‍സ്‌റ്റോപ്പബിള്‍ എന്നാണ് ട്രെയ്‌ഡ്‌ അനലിസ്‌റ്റ്‌ ശ്രീധര്‍ പിള്ള വിശേഷിപ്പിച്ചിരിക്കുന്നത്‌.
Vikram records: കമല്‍ഹാസന്‍റെ ഏറ്റവും കൂടുതല്‍ കലക്ഷന്‍ നേടിയ സിനിമയാണ് 'വിക്രം'. വരും ദിവസങ്ങളില്‍ ഏറ്റവുമധികം കലക്ഷന്‍ നേടുന്ന തമിഴ് ചിത്രങ്ങളുടെ പട്ടികയിലും 'വിക്രം' ഇടംപിടിക്കും. കേരളത്തില്‍ നിന്നും ഏറ്റവുമധികം കലക്ഷന്‍ നേടിയ തമിഴ് സിനിമ എന്ന റെക്കോഡും ചിത്രം സ്വന്തമാക്കി. അഞ്ച്‌ ദിവസങ്ങള്‍ കൊണ്ടാണ് സിനിമ ഈ റെക്കോഡ്‌ നേടിയത്‌.
Also Read: അത്‌ ഷാരൂഖ്‌ ഖാന്‍ മോഹിച്ചിരുന്നു; അന്ന് കിങ് ഖാന്‍, ഇന്ന് സൂര്യ
Vikram OTT release: പുതിയ റെക്കോഡുകളുമായി തേരോട്ടം നടത്തുന്ന ചിത്രം ഒടിടി റിലീസിനും ഒരുങ്ങുകയാണ്. ജൂലൈ 8ന് ചിത്രം ഒടിടിയില്‍ സ്‌ട്രീമിംഗ്‌ ആരംഭിക്കുമെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്‌. റിലീസിന് മുമ്പ്‌ തന്നെ സിനിമയുടെ ഡിജിറ്റല്‍ ഒടിടി സ്‌ട്രീമിങ്‌ അവകാശം റെക്കോഡ്‌ തുകയ്‌ക്ക് ഡിസ്‌നി പ്ലസ്‌ ഹോട്ട്‌സ്‌റ്റാര്‍ സ്വന്തമാക്കിയെന്ന് വാര്‍ത്തകളുണ്ടായിരുന്നു.
Lokesh Kanagaraj with Kamal: ദളപതി വിജയ്‌യുടെ 'മാസ്‌റ്റ'റിന് ശേഷം ലോകേഷ്‌ കനകരാജ്‌ സംവിധാനം ചെയ്‌ത ചിത്രമാണ് 'വിക്രം'. ലോകേഷ്‌ കനകരാജ്‌ തന്നെയാണ് തിരക്കഥയും നിര്‍വഹിച്ചിരിക്കുന്നത്‌. കമല്‍ഹാസന്‍, വിജയ്‌ സേതുപതി, ഫഹദ്‌ ഫാസില്‍ എന്നിവര്‍ ഒന്നിച്ചെത്തിയ ക്രൈം ആക്ഷന്‍ ത്രില്ലര്‍ ചിത്രമാണിത്‌.
