ഇന്ദ്രന്‍സ് (Indrans) കേന്ദ്രകഥാപാത്രത്തില്‍ എത്തുന്ന ഏറ്റവും പുതിയ ചിത്രമാണ് 'ടൂ മെൻ ആർമി' (Two Men Army). നിസാര്‍ സംവിധാനം ചെയ്‌ത ചിത്രം പ്രദര്‍ശനത്തിനൊരുങ്ങുന്നു. അതേസമയം റിലീസ് തീയതി അണിയറ പ്രവര്‍ത്തകര്‍ പുറത്തുവിട്ടിട്ടില്ല.
റിലീസിനൊരുങ്ങുന്ന 'ടൂ മെൻ ആർമി'യുടെ സെന്‍സറിങ് പൂര്‍ത്തിയായിട്ടുണ്ട്. ചിത്രത്തിന് യു/എ സര്‍ട്ടിഫിക്കറ്റാണ് സെന്‍സര്‍ ബോര്‍ഡ് നല്‍കിയിരിക്കുന്നത്. ഇന്ദ്രന്‍സിനെ കൂടാതെ ഷഹീൻ സിദ്ദിഖും (Shaheen Siddique) ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
തികച്ചും വ്യത്യസ്‌തമായ പ്രമേയമാണ് ചിത്രത്തിന്‍റേത്. ആവശ്യത്തിലധികം പണം ഉണ്ടായിട്ടും കെട്ടിപ്പൂട്ടി വച്ച് ഒറ്റയ്ക്ക് ജീവിക്കുന്ന ഒരാൾ. ആ പണത്തിൽ കണ്ണ് വച്ചെത്തുന്ന മറ്റൊരാൾ... ഈ രണ്ട് കഥാപാത്രങ്ങളുടെയും മാനസിക സംഘർഷങ്ങളാണ് സംവിധായകന്‍ (Nissar) 'ടൂ മെൻ ആർമി'യില്‍ തുറന്നു കാട്ടുന്നത്. ഇന്ദ്രൻസും ഷാഹിൻ സിദ്ദിഖുമാണ് ഈ രണ്ട് കഥാപാത്രങ്ങളെ അവതരിപ്പിക്കുന്നത്.
ഇവരെ കൂടാതെ കൈലാഷ്, തിരുമല രാമചന്ദ്രൻ, സുബ്രഹ്മണ്യൻ ബോൾഗാട്ടി, ജയ്‌സൺ മാർബേസിൽ, അജു വിഎസ്, സതീഷ് നടേശൻ, സുജൻ കുമാർ, രമ മോഹൻദാസ്, അനു ജോജി, സ്‌നിഗ്‌ധ, ഡിനി ഡാനിയേൽ തുടങ്ങിയവരും ചിത്രത്തില്‍ അണിനിരക്കുന്നു.
നിസാര്‍ സംവിധാനം ചെയ്യുന്ന 27-ാമത് ചിത്രം കൂടിയാണ് 'ടൂ മെൻ ആർമി'. 'പടനായകൻ', 'സുദിനം', 'ത്രീ മെൻ ആർമി', 'ബ്രിട്ടീഷ് മാർക്കറ്റ്', 'അപരന്മാർ നഗരത്തിൽ', 'ബുള്ളറ്റ്' തുടങ്ങിയ ചിത്രങ്ങളൊരുക്കിയ ശ്രദ്ധേയനായ സംവിധായകനാണ് നിസാര്‍ (Nissar movies). എസ്‌കെ കമ്മ്യൂണിക്കേഷൻ്റെ ബാനറിൽ കാസിം കണ്ടോത്ത് ആണ് സിനിമയുടെ നിര്‍മാണം.
പ്രസാദ് ഭാസ്‌കരൻ ആണ് സിനിമയുടെ തിരക്കഥയും സംഭാഷണവും ഒരുക്കിയിരിക്കുന്നത്. ആന്‍റണി പോളിന്‍റെ ഗാനരചനയില്‍ അജയ് ജോസഫ് ആണ് സിനിമയ്‌ക്ക് വേണ്ടി സംഗീതം ഒരുക്കിയിരിക്കുന്നത്. കനകരാജ് ആണ് ഛായാഗ്രഹണം. ടിജോ തങ്കച്ചൻ എഡിറ്റിങ്ങും നിര്‍വഹിക്കുന്നു.
Also Read: രണ്ട് വ്യക്തികളുടെ മാനസിക സംഘർഷങ്ങളുമായി ടൂ മെന്‍ ആര്‍മി; ഫസ്‌റ്റ് ലുക്ക് പുറത്ത്..
കലാസംവിധാനം - വത്സൻ, വസ്ത്രാലങ്കാരം - സുകേഷ് താനൂർ, മേക്കപ്പ് - റഹിം കൊടുങ്ങല്ലൂർ, അസോസിയേറ്റ് ഡയറക്‌ടർ - റസൽ നിയാസ്, സംവിധാന സഹായികൾ - പ്രസാദ് കേയത്ത്, കരുൺ ഹരി, എക്‌സിക്യൂട്ടീവ് പ്രൊഡ്യൂസർ - ഷിയാസ് മണോലിൽ, പ്രൊഡക്ഷൻ എക്‌സിക്യൂട്ടീവ് - എൻകെ ദേവരാജ്, പ്രൊഡക്ഷൻ കൺട്രോളർ - ഷാജി പട്ടിക്കര, സ്‌റ്റിൽസ് - അനിൽ പേരാമ്പ്ര, പിആർഒ - എഎസ് ദിനേശ് എന്നിവരാണ് മറ്റ് അണിയറപ്രവര്‍ത്തകര്‍.
അതേസമയം ഇന്ദ്രന്‍സിന്‍റേതായി ഏറ്റവും ഒടുവില്‍ തിയേറ്ററുകളില്‍ എത്തിയ ചിത്രമാണ് 'ജലധാര പമ്പ് സെറ്റ് സിന്‍സ് 1962' (Jaladhara Pumpset Since 1962). ഒരു ആക്ഷേപ ഹാസ്യ ഗണത്തില്‍ പെട്ട ചിത്രത്തില്‍ ഇന്ദ്രന്‍സും, ഉര്‍വശിയുമാണ് (Urvashi) കേന്ദ്രകഥാപാത്രത്തില്‍ എത്തിയത്. ഇവരെ കൂടാതെ സനുഷ, സാഗർ എന്നിവരും പ്രധാന വേഷങ്ങളില്‍ എത്തിയിരുന്നു.
ആശിഷ് ചിന്നപ്പ സംവിധാനം ചെയ്‌ത ചിത്രത്തില്‍ ശിവജി ഗുരുവായൂർ, അൽത്താഫ്, വിജയരാഘവൻ, ടിജി രവി, ജോണി ആന്‍റണി, കലാഭവൻ ഹനീഫ്, ജയൻ ചേർത്തല, ഹരിലാൽ പിആർ, ജെയ്, സജിൻ, ജോഷി മേടയിൽ, രാമു മംഗലപ്പള്ളി, വിഷ്‌ണു ഗോവിന്ദ്, തങ്കച്ചൻ, കോഴിക്കോട് ജയരാജ്, പരമേശ്വരൻ പാലക്കാട്, ആദിൽ റിയാസ്ഖാൻ, നിഷ സാരംഗ്, അഞ്ജലി നായർ, സുജാത തൃശൂർ, നിത ചേർത്തല, സ്നേഹ ബാബു, ശ്രീരമ്യ തുടങ്ങിയവരും അണിനിരന്നു.
Also Read: ഇന്ദ്രൻസ്, ഷഹീൻ സിദ്ദിഖ് ഒന്നിക്കുന്ന 'ടൂ മെൻ ആർമി' ; ടൈറ്റിൽ പോസ്റ്റർ പുറത്ത്
