അയാളിലൂടെ കണ്ടുമുട്ടുന്ന രണ്ട്‌ സ്‌ത്രീകള്‍ ; പാച്ചുവും അത്ഭുതവിളക്കും ഫസ്‌റ്റ്‌ലുക്ക്

ഫഹദ്‌ വേഷമിടുന്നത്‌ മുംബൈയില്‍ നിന്നുള്ള യുവാവായി ; കഥ പുരോഗമിക്കുന്നത് രണ്ട്‌ സ്ത്രീകളെ ചുറ്റിപ്പറ്റി

Pachuvum Athbhuthavilakkum first look: ഫഹദ്‌ ഫാസിലിനെ കേന്ദ്രകഥാപാത്രമാക്കി അഖില്‍ സത്യന്‍ സംവിധാനം ചെയ്യുന്ന ചിത്രമാണ് 'പാച്ചുവും അത്ഭുത വിളക്കും'. സിനിമയുടെ ഫസ്‌റ്റ്‌ ലുക്ക് പോസ്‌റ്റര്‍ പുറത്തിറങ്ങി. പെട്ടിയും ബാഗുകളുമായി പുതിയൊരു നഗരത്തിലേയ്‌ക്ക് എത്തിച്ചേരുന്നതായുള്ള ഫഹദിന്‍റെ കഥാപാത്രമാണ് ഫസ്‌റ്റ്‌ ലുക്കില്‍.

Fahadh Faasil shares first look: ഫഹദ്‌ ഫാസില്‍ തന്‍റെ ഫേസ്‌ബുക്ക് പേജിലൂടെ പോസ്റ്റര്‍ ആരാധകര്‍ക്കായി പങ്കുവച്ചിട്ടുണ്ട്‌. ഇതിന് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്‌. നിരവധി പേരാണ് ഫഹദിന് ആശംസകള്‍ നേര്‍ന്ന് രംഗത്തെത്തിയിരിക്കുന്നത്‌.

Fahadh Faasil as Mumbai based youngster: മുംബൈയില്‍ നിന്നുള്ള യുവാവായാണ് ചിത്രത്തില്‍ ഫഹദ്‌ വേഷമിടുന്നത്‌. ഫഹദിന്‍റെ കഥാപാത്രത്തിലൂടെ പരസ്‌പരം കണ്ടുമുട്ടുന്ന രണ്ട്‌ സ്‌ത്രീകളെ ചുറ്റിപറ്റിയാണ് ചിത്രപശ്ചാത്തലം. സിദ്ദിഖ്‌, വിനീത്‌, വിജയരാഘവന്‍ എന്നിവരും സിനിമയില്‍ സുപ്രധാന വേഷങ്ങളെ അവതരിപ്പിക്കും.

സത്യന്‍ അന്തിക്കാടിന്‍റെ മകന്‍ അഖില്‍ സത്യന്‍ തന്നെയാണ് സിനിമയുടെ രചനയും എഡിറ്റിംഗും നിര്‍വഹിച്ചിരിക്കുന്നത്‌. ഫുള്‍ മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട്‌ ആണ് നിര്‍മാണം. ശരണ്‍ വേലായുധന്‍ ആണ് ഛായാഗ്രഹണം. ജസ്‌റ്റിന്‍ പ്രഭാകരന്‍ സംഗീതം നിര്‍വഹിക്കുന്നു.

Pachuvum Athbhuthavilakkum release: ഡിസംബറില്‍ ചിത്രം റിലീസ്‌ ചെയ്യുമെന്നാണ് റിപ്പോര്‍ട്ടുകള്‍. തിയേറ്റര്‍ റിലീസായി തന്നെ പാച്ചുവും അത്ഭുത വിളക്കും പ്രേക്ഷകര്‍ക്ക് മുമ്പിലെത്തുമെന്നും അണിയറപ്രവര്‍ത്തകര്‍ പറയുന്നു.

അച്ഛന്‍ സത്യന്‍ അന്തിക്കാടിന്‍റെ സിനിമകളുടെ സംവിധാന വിഭാഗത്തില്‍ അഖില്‍ മുമ്പ് സഹകരിച്ചിട്ടുണ്ട്‌. ഞാന്‍ പ്രകാശന്‍, ജോമോന്‍റെ സുവിശേഷങ്ങള്‍ എന്നീ സിനിമകളുടെ അസോസിയേറ്റ് ആയിരുന്നു അഖില്‍. ദാറ്റ്‌സ്‌ മൈ ബോയ് എന്ന ഡോക്യുമെന്‍ററി ഷോര്‍ട്ട് ഫിലിമും അഖില്‍ സംവിധാനം ചെയ്‌തിട്ടുണ്ട്‌.