ധ്യാന്‍ ശ്രീനിവാസനെ കേന്ദ്രകഥാപാത്രമാക്കി നവാഗതനായ വിനയ് ജോസ് സംവിധാനം ചെയ്യുന്ന ചിത്രമാണ് 'ആപ്പ് കൈസേ ഹോ'. സിനിമയുടെ ടൈറ്റില്‍ ലുക്ക് പോസ്‌റ്റര്‍ പുറത്തിറങ്ങി. ധ്യാന്‍ ശ്രീനിവാസന് തന്നെയാണ് പോസ്‌റ്റര്‍ ഫേസ്‌ബുക്കിലൂടെ പങ്കുവച്ചിരിക്കുന്നത്.
ചിത്രത്തില്‍ ശ്രീനിവാസനും വേഷമിടുന്നുണ്ട്. അനാരോഗ്യത്തെ തുടര്‍ന്ന് ഒരിടവേളയ്‌ക്ക് ശേഷം ശ്രീനിവാസന് വീണ്ടും വെള്ളിത്തിരയിലേയ്‌ക്ക് തിരിച്ചെത്തുന്ന ചിത്രം കൂടിയാണിത്. ധ്യാന്‍ ശ്രീനിവാസന് തന്നെയാണ് സിനിമയുടെ തിരക്കഥയും ഒരുക്കിയിരിക്കുന്നത്.
- " class="align-text-top noRightClick twitterSection" data="">
അജു വര്‍ഗീസ്, ജൂഡ് ആന്‍റണി ജോസഫ്‌, ഇടവേള ബാബു, രമേഷ് പിഷാരടി, സൈജു കുറുപ്പ്, ജീവ ജോസഫ്‌, സുധീഷ്, ദിവ്യ ദര്‍ശന്‍, സഞ്ജു ശിവറാം, അബിന്‍ ബിനോ, തന്‍വി റാം, സുരഭി സന്തോഷ്, വിജിത തുടങ്ങിയവരും ചിത്രത്തില്‍ അണിനിരക്കും.
അഖില്‍ ജോര്‍ജ്‌ ഛായാഗ്രഹണവും വിനയന്‍ എംജെ എഡിറ്റിംഗും നിര്‍വഹിക്കുന്നു. ഡോണ്‍ വിന്‍സന്‍റ്‌ ആണ് സംഗീതവും പശ്ചാത്തല സംഗീതവും.
നവാഗതനായ ജയലാല്‍ ദിവാകരന്‍ സംവിധാനം ചെയ്യുന്ന 'കുറുക്കന്‍' എന്ന സിനിമയില്‍ നിലവില്‍ അഭിനയിച്ച് വരികയാണ് ശ്രീനിവാസന്. 'ആപ്പ് കൈസേ ഹോ'യില്‍ ധ്യാനിനൊപ്പം ആണെങ്കില്‍ 'കുറുക്കനി'ല്‍ വിനീത് ശ്രീനിവാസനൊപ്പമാണ് ശ്രീനിവാസന് എത്തുന്നത്.
Also Read: പ്രണവിനെ നായകനാക്കിയുളള പുതിയ സിനിമ, ധ്യാന്‍ ശ്രീനിവാസന് പറയാനുളളത്
