Black Panther Wakanda Forever teaser: 'ബ്ലാക്ക് പാന്തര്‍' സീരീസിലെ പുതിയ ചിത്രം എത്തുന്നു. 'ബ്ലാക്ക് പാന്തര്‍' സിനിമയുടെ സംവിധായകന്‍ റയാന്‍ കൂഗ്ലെര്‍ തന്നെയാണ് ചിത്രത്തിന്‍റെ രണ്ടാം ഭാഗവും ഒരുക്കുന്നത്. 'ബ്ലാക്ക് പാന്തര്‍: വക്കാണ്ട ഫോറെവര്‍' എന്നാണ് രണ്ടാം ഭാഗത്തിന് പേരിട്ടിരിക്കുന്നത്. സിനിമയുടെ ടീസര്‍ പുറത്തിറങ്ങി.
- " class="align-text-top noRightClick twitterSection" data="">
Chadwick Boseman in Black Panther: 'ബ്ലാക്ക് പാന്തറി'ലെ നായക കഥാപാത്രത്തിലൂടെ പ്രേക്ഷക മനസുകളില്‍ പതിഞ്ഞ ചാഡ്‌വിക്ക് ബോസ്‌മാന്‍റെ വേര്‍പാടിന്‍റെ ശൂന്യതയും ആദരവും ടീസറില്‍ കാണാം. ചാഡ്‌വിക് ബോസ്‌മാന്‍ ഒഴികെയുള്ള മറ്റു താരങ്ങളെല്ലാം ഈ ചിത്രത്തിലുണ്ടാകും. 2020 ഓഗസ്‌റ്റ് 29നായിരുന്നു ചാഡ്‌വിക് അന്തരിച്ചത്. അര്‍ബുദ ബാധയെ തുടര്‍ന്ന് ലോസ്‌ ഏഞ്ചല്‍സിലെ വീട്ടില്‍ വച്ചായിരുന്നു അന്ത്യം.
ടീസറില്‍ പുതിയ നായകനെ കുറിച്ച് പറയുന്നുണ്ടെങ്കിലും നടന്‍റെ മുഖം വെളിപ്പെടുത്തിയിട്ടില്ല. നവംബര്‍ 11ന് 'ബ്ലാക്ക് പാന്തര്‍: വക്കാണ്ട ഫോറെവര്‍' തിയേറ്ററുകളിലെത്തും. റയാന്‍ കൂഗ്ലറും ജോ റോബര്‍ട്ട് കോളും ചേര്‍ന്നാണ് തിരക്കഥ. ലുപിറ്റ ന്യോങ്കോ, ദനായി ഗുരിര, ഏഞ്ചല ബാസെറ്റ്‌, മാര്‍ട്ടിന്‍ ഫ്രീമാന്‍, ലെറ്റിഷ്യ റൈറ്റ്, വിന്‍സ്‌റ്റണ്‍ ഡ്യൂക്ക് തുടങ്ങിയവരാണ് ചിത്രത്തിലെ പ്രധാന താരങ്ങള്‍.
