ഗ്ലോബൽ സ്റ്റാർ രാം ചരൺ നായകനായി പുതിയ ചിത്രം വരുന്നു. ബുച്ചി ബാബു സന (Buchi Babu Sana) സംവിധാനം ചെയ്യുന്ന ഈ ചിത്രത്തിന്‍റെ നിർമാണം പുരോഗമിക്കുകയാണ്. ഇപ്പോഴിതാ ചിത്രത്തിന്‍റെ ഏറ്റവും പുതിയ അപ്‌ഡേറ്റ് പുറത്ത് വന്നിരിക്കുകയാണ്.
ഓസ്‌കർ അവാർഡ് ജേതാവ് എ ആർ റഹ്മാനാണ് രാം ചരൺ - ബുച്ചി ബാബു സന ചിത്രത്തിന് സംഗീതം പകരുന്നത് എന്ന വിവരമാണ് അണിയറ പ്രവർത്തകർ പുറത്തുവിട്ടത്. റഹ്മാന്റെ ജന്മദിനത്തോട് അനുബന്ധിച്ചാണ് അണിയറ പ്രവർത്തകർ ഇക്കാര്യം ഔദ്യോഗികമായി പ്രഖ്യാപിച്ചത്. ഇന്ത്യൻ സിനിമയിലെ എക്കാലത്തെയും മികച്ച സംഗീത സംവിധായകരിൽ ഒരാളായ എ ആർ റഹ്മാന്റെ പുതിയ ഗാനങ്ങൾക്കായി പ്രതീക്ഷയോടെ കാത്തിരിക്കുകയാണ് ആരാധകർ (AR Rahman to compose music for Ram Charan 'RC 16' film).
-
Happy Birthday @arrahman sir, wish you health and happiness always. pic.twitter.com/Lj6RPkIBNs
— Ram Charan (@AlwaysRamCharan) January 6, 2024 " class="align-text-top noRightClick twitterSection" data="
">Happy Birthday @arrahman sir, wish you health and happiness always. pic.twitter.com/Lj6RPkIBNs
— Ram Charan (@AlwaysRamCharan) January 6, 2024Happy Birthday @arrahman sir, wish you health and happiness always. pic.twitter.com/Lj6RPkIBNs
— Ram Charan (@AlwaysRamCharan) January 6, 2024
'ആർസി 16' (RC 16) എന്ന് താത്കാലികമായി പേരിട്ടിരിക്കുന്ന ഈ ചിത്രം പ്രമുഖ പ്രൊഡക്ഷൻ ഹൗസായ മൈത്രി മൂവി മേക്കേഴ്‌സാണ് അവതരിപ്പിക്കുന്നത്. വൃദ്ധി സിനിമാസിന്‍റെയും സുകുമാർ റൈറ്റിംഗ്‌സിന്‍റെയും ബാനറുകളിൽ വെങ്കട സതീഷ് കിളാരുവാണ് ഈ ബിഗ് ബജറ്റ് ചിത്രത്തിന്‍റെ നിർമാണം. സംവിധായകൻ ബുച്ചി ബാബു തന്നെയാണ് ചിത്രത്തിനായി തിരക്കഥയും ഒരുക്കിയത്.
തന്‍റെ ആദ്യ ചിത്രമായ 'ഉപ്പേന'യിലൂടെ ദേശീയ അവാർഡ് കരസ്ഥമാക്കിയ സംവിധായകനാണ് ബുച്ചി ബാബു സന. 'ഉപ്പേന'യുടെ സംഗീതവും ഏറെ ശ്രദ്ധിക്കപ്പെട്ടിരുന്നു. പുതിയ ചിത്രവും മ്യൂസിക്കൽ ചാർട്ട്ബസ്റ്റർ ആകുമെന്ന പ്രതീക്ഷയിലാണ് ആരാധകർ. എ ആർ റഹ്മാന്റെ സാന്നിധ്യം ഇവരുടെ പ്രതീക്ഷകൾ ഇരട്ടിയാക്കുന്നുമുണ്ട്.
അതേസമയം ചിത്രത്തിന്‍റെ കൂടുതൽ വിവരങ്ങൾ അണിയറ പ്രവർത്തകർ പുറത്തുവിട്ടിട്ടില്ല, ചിത്രത്തിലെ മറ്റ് അഭിനേതാക്കളുടെയും അണിയറ പ്രവർത്തകരുടെയും വിവരങ്ങൾ വരും ദിവസങ്ങളിലായി പുറത്തുവരും എന്നാണ് വിവരം. പി ആർ ഒ : ശബരി.
ടൊവിനോയുടെ 'നടികർ തിലക'ത്തിന് പാക്കപ്പ്: പ്രേക്ഷക പ്രിയ താരം ടൊവിനോ തോമസ് നായകനാകുന്ന 'നടികർ തിലകം' സിനിമയ്‌ക്ക് പാക്കപ്പ് (Tovino Thomas starrer Nadikar Thilakam movie pack up). 'ഡ്രൈവിംഗ് ലൈസന്‍സ്' എന്ന ഹിറ്റ് ചിത്രത്തിന് ശേഷം ലാല്‍ ജൂനിയർ സംവിധാനം ചെയ്യുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ ഉടൻ പുറത്തുവരും. സിനിമയിലെ പ്രധാന താരങ്ങളും അണിയറക്കാരും ചേർന്നുള്ള ഫോട്ടോയും വീഡിയോയുമെല്ലാം സോഷ്യൽ മീഡിയയിലൂടെ പുറത്തുവന്നിട്ടുണ്ട്.
സൗബിൻ ഷാഹിറും പ്രധാന കഥാപാത്രത്തെ അവതരിപ്പിക്കുന്ന 'നടികർ തിലക'ത്തിൽ ഭാവനയും നിർണായക വേഷത്തിലുണ്ട്. ധ്യാൻ ശ്രീനിവാസൻ, അനൂപ് മേനോൻ, ഷൈൻ ടോം ചാക്കോ, ലാൽ, ബാലു വർഗീസ്, ദിവ്യ പിള്ള, ശ്രീനാഥ് ഭാസി, അജു വർഗീസ് തുടങ്ങി വൻ താരനിരയും സിനിമയിൽ മറ്റ് പ്രധാന വേഷങ്ങളിൽ അണിനിരക്കുന്നു.
READ MORE: ടൊവിനോയുടെ 'നടികർ തിലക'ത്തിന് പാക്കപ്പ്; ഫസ്റ്റ് ലുക്ക് ഉടൻ
