പതിവു രീതികളിൽ നിന്നും വ്യത്യസ്തമായി വിഷു ആഘോഷക്കുകയായിരുന്നു എറണാകുളം മണ്ഡലത്തിലെ ഇടതു മുന്നണി സ്ഥാനാർത്ഥി പി രാജീവ്. രാവിലെ സ്വന്തം അമ്മയെ കണ്ട ശേഷം പി രാജീവ് എത്തിയത് തേവര വൃദ്ധസദനത്തിലെ അമ്മമാരുടെ അടുക്കലാണ് . ലോകസഭാ തെരഞ്ഞെടുപ്പിലെ സ്ഥാനാർഥിയോടൊപ്പം വിഷു സദ്യ ഉണ്ണാനായതിലെ സന്തോഷത്തിലായിരുന്നു അവരും.അവർക്ക് സദ്യ വിളമ്പിയും, അവരോടൊപ്പം സദ്യ കഴിച്ചും, കുശലാന്വേഷണം നടത്തിയും അന്തേവാസികളുടെ മനസ്സു കീഴടക്കിയാണ് രാജീവ് മടങ്ങിയത്. പ്രോഗ്രസ്സീവ് ഹോമിയോപതി അസോസിയേഷൻ എന്ന സംഘടനയായിരുന്നു തേവര സർക്കാർ വൃദ്ധസദനത്തിലെ അംഗങ്ങൾക്ക് സദ്യ ഒരുക്കിയത്.
പുറത്തു വരുന്ന പ്രീ പോൾസർവേ ഫലങ്ങൾ അശാസ്ത്രീയമാണന്ന് അദ്ദേഹം അഭിപ്രായപ്പെട്ടു. അതേ സമയം സർവ്വേ നൽകുന്ന സൂചനകൾ കൂടി പരിഗണിച്ച് പ്രചാരണ പ്രവർത്തനങ്ങൾ മുന്നോട്ട് കൊണ്ടു പോകും. തികഞ്ഞ വിജയപ്രതീക്ഷ തന്നെയാണുള്ളതെന്നും അദ്ദേഹം വ്യക്തമാക്കി.
