പാലക്കാട് : തത്തമംഗലത്ത് അനധികൃത വിൽപ്പനയ്ക്കായി വീട്ടിൽ സൂക്ഷിച്ച ഏഴര ലിറ്റർ വിദേശമദ്യം പോലീസ് പിടികൂടി. തത്തമംഗലം, ആറാം പാടം, ശ്രീശൈലം വീട്ടിൽ അരുൺ കുമാറിനെ(28)യാണ് ചിറ്റൂർ പോലീസ് അറസ്റ്റ് ചെയ്‌തത്.
അമിത വിലയ്ക്ക് അനധികൃതമായി വിദേശമദ്യം വിൽക്കുന്നുവെന്ന രഹസ്യവിവരത്തിൻ്റെ അടിസ്ഥാനത്തിൽ ഡാൻസാഫ് സ്ക്വാഡും ചിറ്റൂർ പോലീസും സംയുക്‌തമായി നടത്തിയ പരിശോധനയിലാണ് വ്യാഴാഴ്‌ച രാത്രി മദ്യം പിടികൂടിയത്.
പ്രതിയെ വെള്ളിയാഴ്‌ച കോടതിയിൽ ഹാജരാക്കും.
ALSO READ:ഇടുക്കിയിൽ അനധികൃതമായി മദ്യംവിറ്റ രണ്ടുപേര്‍ പൊലീസ് പിടിയില്‍
ചിറ്റൂർ സബ് ഇൻസ്പെക്‌ടർ എന്‍.ആര്‍ സുജിത്ത്, ജി.എസ്.ഐ ജയൻ, എസ്.സി.പി.ഒ ശ്യാമള, സി.പി.ഒ സജീഷ്, ഡ്രൈവർ രവി ഡാൻസാഫ് സ്ക്വാഡ് അംഗങ്ങൾ എന്നിവർ ചേർന്നാണ് പരിശോധന നടത്തിയത്.
