തൃശ്ശൂര്‍: തൈക്കാട്ടുശ്ശേരി കൊട്ടിയമ്പലം കർഷക സമിതിയുടെ നേതൃത്വത്തിൽ കൃഷി ചെയ്‌ത ജൈവ നെല്‍കൃഷിയുടെ കൊയ്ത്തുത്സവം കൃഷിമന്ത്രി വി.എസ് സുനിൽകുമാർ ഉദ്ഘാടനം ചെയ്‌തു. ഒല്ലൂർ എംഎൽഎയും ഗവൺമെന്‍റ് ചീഫ് വിപ്പുമായ കെ.രാജൻ ചടങ്ങിൽ പങ്കെടുത്തു. കേരളത്തിൽ നെൽകൃഷി നഷ്ടമാണെന്ന് ഒരു കർഷകൻ പോലും പറയില്ലെന്നും ഈ സർക്കാർ അധികാരത്തിൽ വന്നശേഷം കേരളത്തിൽ ഉണ്ടായ ഏറ്റവും വലിയ മാറ്റം നെൽകൃഷി ലാഭകരമാക്കി മാറ്റിയതാണെന്നും ഉദ്ഘാടന വേളയിൽ കൃഷിമന്ത്രി പറഞ്ഞു. കര്‍ഷകര്‍ക്ക് ആവശ്യമായ എല്ലാ സഹായവും സംസ്ഥാന സർക്കാർ നൽകുന്നുണ്ടെന്നും കര്‍ഷകര്‍ക്കുള്ള ഇൻഷുറൻസ് എല്ലാവരും ഉപയോഗപ്പെടുത്തണമെന്നും അദ്ദേഹം പറഞ്ഞു.
കൊയ്ത്തുത്സവം മന്ത്രി വി.എസ് സുനിൽകുമാർ ഉദ്ഘാടനം ചെയ്‌തു
