തൃശൂർ : എം.ഡി.എം.എ മയക്കുമരുന്നുമായി യുവാവ് അറസ്റ്റിൽ. 21കാരനായ അഭിഷേക് ആണ് പിടിയിലായത്. പോട്ടോർ മേഖലയിൽ വർധിച്ച് വരുന്ന മയക്കുമരുന്ന് ഉപയോഗത്തെക്കുറിച്ച് തൃശൂർ അസിസ്റ്റന്‍റ് എക്സൈസ് കമ്മിഷണർക്ക് പരാതി ലഭിച്ച സാഹചര്യത്തിൽ സ്പെഷ്യൽ സ്ക്വാഡ് ടീം നടത്തിയ പരിശോധനയിലാണ് യുവാവ് അറസ്റ്റിലായത്.
ALSO READ: കോഴിക്കോട് വൻ കഞ്ചാവ് വേട്ട ; 150 കിലോയുമായി ദമ്പതികളടക്കം മൂന്ന് പേർ പിടിയിൽ
ബെംഗളുരുവിൽ നിന്ന് സമ്മാനപ്പൊതിയുടെ രൂപത്തിൽ തപാൽ വഴിയാണ് യുവാവ് മയക്കുമരുന്ന് എത്തിച്ചിരുന്നത്. മയക്കുമരുന്ന് അയച്ച ഒളരി സ്വദേശിക്കായി അന്വേഷണം ആരംഭിച്ചെന്ന് എക്സൈസ് അധികൃതർ അറിയിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്‌തു.
