തിരുവനന്തപുരം: ഡിസിസി പുന:സംഘടന സംബന്ധിച്ച് കോൺഗ്രസിനുള്ളിലെ പ്രശ്‌നങ്ങൾ സംബന്ധിച്ച് പ്രതികരിക്കാതെ പ്രതിപക്ഷ നേതാവ് വി.ഡി സതീശൻ. കേരളത്തിന്‍റെ ചുമതലയുള്ള എഐസിസി ജനറൽ സെക്രട്ടറി താരിഖ് അൻവറിനെതിരെ എ, ഐ ഗ്രൂപ്പുകൾ നൽകിയ പരാതി സംബന്ധിച്ച ചോദ്യങ്ങൾക്ക് പ്രതികരിക്കാൻ പ്രതിപക്ഷ നേതാവ് തയാറായില്ല.
വിഷയത്തിൽ പരസ്യ പ്രതികരണത്തിനില്ലെന്ന കെപിസിസി നിർദേശത്തെ തുടർന്നാണ് സതീശൻ പ്രതികരിക്കാത്തത്. താരിഖ് അൻവർ പക്ഷപാതപരമായി പെരുമാറുന്നു, കേരളത്തിലെ വിഷയങ്ങൾ മോശമായാണ് കൈകാര്യം ചെയ്യുന്നത് തുടങ്ങിയ പരാതികളാണ് എ, ഐ ഗ്രൂപ്പുകൾ ഉയർത്തുന്നത്.
