തിരുവനന്തപുരം/പാലക്കാട്: കളിയാക്കാവിള കൊലപാതകത്തിലെ പ്രതികളുമായി ബന്ധമുള്ള രണ്ട് പേരെ പാലക്കാട് പൊലീസ് കസ്റ്റഡിയില്‍ എടുത്തു. സെയ്ത് ഇബ്രാഹിം, അബ്ബാസ് എന്നിവരെയാണ് കസ്റ്റഡിയിലെടുത്തത്.തമിഴ്നാട് സ്വദേശികളായ ഇവർ ദീർഘകാലമായി പാലക്കാട് സ്ഥിര താമസമാക്കിയവരാണ്.
ടൗൺ സൗത്ത് പൊലീസ് സ്റ്റേഷനിൽ ഇവരെ തമിഴ്നാട് ക്യു ബ്രാഞ്ചും കേരള പൊലീസും ചോദ്യം ചെയ്യുകയാണ്. തമിഴ്നാട്ടിലെ തീവ്രവാദ ബന്ധമുള്ള കൊലപാതക കേസുകളിൽ ഇവർക്കും ബന്ധമുള്ളതായി സംശയിക്കുന്നു. കളിയിക്കാവിളയിൽ നിന്ന് രക്ഷപ്പെട്ട പ്രതികൾക്ക് മുൻകാലങ്ങളിൽ സെയ്ത് ഇബ്രാഹിമും അബ്ബാസും അഭയം നല്കിയോ എന്ന സംശയവും പൊലീസിനുണ്ട്.
