തിരുവനന്തപുരം : കോർപറേഷനിലെ നികുതി വെട്ടിപ്പിന് കൂട്ടുനിൽക്കുന്നവർ സാമാന്യ മനുഷ്യത്വമില്ലാത്തവരെന്ന് കെപിസിസി അധ്യക്ഷൻ കെ സുധാകരൻ. ഇരപ്പാളിത്തത്തിന്‍റെ മുഖമുള്ളവർക്ക് മാത്രമേ ഈ കൊള്ളയ്ക്ക് കൂട്ടുനിൽക്കാൻ കഴിയൂ.
ഇത് പിന്നിൽ നിന്ന് നിയന്ത്രിക്കുന്നവരെ കണ്ടുപിടിക്കണം. വെട്ടിപ്പിന്‍റെ സത്യാവസ്ഥ ജനങ്ങളെ ബോധ്യപ്പെടുത്താനുള്ള ബാധ്യത സർക്കാരിനുണ്ട്. കുറ്റക്കാരെ നിയമത്തിന് മുന്നിൽ കൊണ്ടുവരണമെന്നും സുധാകരൻ പറഞ്ഞു.
കോർപറേഷനിലെ നികുതിവെട്ടിപ്പിനെതിരെ കോൺഗ്രസ് നടത്തുന്ന സത്യഗ്രഹം ഉദ്ഘാടനം ചെയ്യുകയായിരുന്നു കെ സുധാകരൻ. അതിനിടെ നികുതി പിരിവുമായി ബന്ധപ്പെട്ട ആരോപണങ്ങൾ പരിഹരിക്കാൻ കോർപറേഷൻ തീവ്രശ്രമം തുടങ്ങി.
വസ്‌തു നികുതി അടയ്ക്കുന്നതിൽ വീഴ്‌ച വരുത്തിയവരുടെ പട്ടിക അടിയന്തരമായി തയ്യാറാക്കാൻ ബിൽ കലക്‌ടർമാർക്ക് നിർദേശം നൽകി.
നികുതി വെട്ടിപ്പിന് കൂട്ടുനിൽക്കുന്നവർ മനുഷ്യത്വമില്ലാത്തവര്‍ : കെ സുധാകരൻ
