തിരുവനന്തപുരം : സ്‌കൂൾ ചുമരുകളിൽ ആഘോഷത്തിന്‍റേതായ എഴുത്തുകുത്തുകളില്ല, വരാന്തകളിൽ ആരവങ്ങളോ നിറയെ വര്‍ണാഭമായ തോരണങ്ങളോ ഇല്ല, ഇക്കുറിയും അധ്യാപകദിന ആഘോഷങ്ങൾ ഓൺലൈനിലൂടെ. കൊവിഡില്‍ സ്‌കൂളുകൾ അടച്ചപ്പോൾ പ്രതിസന്ധിയിലായത് അധ്യാപകരും വിദ്യർഥികളും തമ്മിലുള്ള സൗഹൃദ ബന്ധം.
ഗൂഗിൾ മീറ്റിലൂടെയും വാട്‌സ്‌ആപ്പിലൂടെയും മറ്റുമാണ് ഈ മഹാമാരിക്കാലത്ത് അധ്യാപകരും വിദ്യാര്‍ഥികളും തമ്മിലുള്ള ആശയവിനിമയം. കുട്ടികളെ ചേർത്തുപിടിച്ച അധ്യാപകർക്ക് അവരെ നേരിട്ടൊന്നുകാണാൻ പോലും സാധിക്കാത്ത നൊമ്പരകാലമാണ് കടന്നുപോകുന്നത്.
READ MORE: സംസ്ഥാനത്ത് സ്‌കൂളുകൾ തുറക്കുന്നത് പരിഗണനയിലെന്ന് വിദ്യാഭ്യാസ മന്ത്രി
സാഹചര്യങ്ങള്‍ തിരിച്ചറിഞ്ഞ് പുതിയ കാലത്തിനൊപ്പം സഞ്ചരിക്കാനുള്ള വഴി തേടുകയാണ് അധ്യാപകരും. കൊവിഡ് കാലം മാറി കുട്ടികൾ സ്‌കൂളിലേക്ക് ആർത്തലച്ച് എത്തുന്ന സുന്ദരദിനങ്ങള്‍ വൈകാതെ തിരിച്ചെത്തുമെന്ന പ്രതീക്ഷയിലാണ് അവര്‍.
തിരുവനന്തപുരം എസ് എം വി സർക്കാർ മോഡൽ ഹയർ സെക്കൻഡറി സ്‌കൂളിൽ നിന്ന് ആർ ബിനോയ് കൃഷ്‌ണൻ തയ്യാറാക്കിയ റിപ്പോർട്ട്.
