തിരുവനന്തപുരം: കൊവിഡ് വ്യാപനത്തിന്‍റെ പശ്ചാത്തലത്തിൽ കർണാടകയ്‌ക്ക് പിന്നാലെ തമിഴ്‌നാടും നിയന്ത്രണങ്ങൾ കർശനമാക്കി. സംസ്ഥാന അതിർത്തികളിൽ തമിഴ്‌നാട് സർക്കാർ പരിശോധന ശക്തമാക്കി. ഈ പാസില്ലാതെയും അതിർത്തി കടന്നെത്തുന്ന വാഹനങ്ങൾക്ക് പോകാവുന്ന സാഹചര്യത്തിൽ ഉൾപ്പെടെ മാറ്റം വരുത്തികൊണ്ടാണ് തമിഴ്‌നാട് സർക്കാർ നിലപാട് കർശനമാക്കുന്നത്. ഇനി മുതൽ മുതൽ അതിർത്തി കിടക്കുന്നവർക്ക് രണ്ട് ഡോസ് വാക്‌സിൻ എടുത്തതിന്‍റെ സർട്ടിഫിക്കറ്റും, കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാണ്.
ഓഗസ്റ്റ് അഞ്ച് മുതൽ നിർദേശം പ്രാബല്യത്തിൽ വരുമെന്ന് തമിഴ്‌നാട് ആരോഗ്യമന്ത്രി മാ സുബ്രഹ്മണ്യൻ വ്യക്തമാക്കിയിരുന്നു. തെക്കൻ അതിർത്തി ഗ്രാമങ്ങളിലെ കളിയിക്കവിള, ചെറിയ കൊല്ല, നെട്ട, ആറുകാണി, കൊല്ലംകോട് തുടങ്ങി 13 ചെക്ക് പോസ്റ്റുകളിലുമാണ് തമിഴ്‌നാട് സർക്കാർ പരിശോധന ശക്തമാക്കുന്നത്.
