തിരുവനന്തപുരം: കെപിസിസി അധ്യക്ഷനായി കെ.സുധാകരൻ എംപി ഇന്ന് ചുമതലയേൽക്കും. കെപിസിസി ആസ്ഥാനമായ ഇന്ദിര ഭവനിൽ 11 മണിക്കാണ് ചടങ്ങ്.
രാവിലെ 10 മണിക്ക് കിഴക്കേക്കോട്ടയിലെ ഗാന്ധി പ്രതിമയിലും പാളയം രക്തസാക്ഷി മണ്ഡപത്തിലും പുഷ്പാര്‍ച്ചന നടത്തിയ ശേഷമാകും അദ്ദേഹം ചുമതലയേല്‍ക്കാനെത്തുക. അധ്യക്ഷസ്ഥാനം ഒഴിയുന്ന മുല്ലപ്പള്ളി രാമചന്ദ്രന്‍റെ വിടവാങ്ങൽ പ്രസംഗത്തിന് ശേഷം പുതിയ അധ്യക്ഷന്‍റെ ആമുഖ പ്രസംഗവും നടക്കും.
Also read: ഗല്‍വാനില്‍ അവ്യക്ത തുടരുന്നു; ചൈനയ്‌ക്ക് തിരിച്ചടി നല്‍കണമെന്ന് കോണ്‍ഗ്രസ്
വർക്കിങ് പ്രസിഡമന്‍റുമാരായി തെരഞ്ഞെടുക്കപ്പെട്ട ടി.സിദ്ദിഖ്, പി.ടി തോമസ്, കൊടിക്കുന്നിൽ സുരേഷ് എന്നിവരും ഇന്ന് ചുമതലയേൽക്കും. കേരളത്തിന്‍റെ ചുമതലയുള്ള എഐസിസി ജനറൽ സെക്രട്ടറി താരിഖ് അൻവർ, എഐസിസി സെക്രട്ടറിമാരായ ഐവാൻ ഡിസൂസ, പി.വിശ്വനാഥൻ, മോഹനൻ എന്നിവരും ചടങ്ങില്‍ സംബന്ധിക്കും.
