എ.കെ ശശീന്ദ്രന് പൂർണ പിന്തുണ നല്‍കി മുഖ്യമന്ത്രി

എൻസിപി നേതാക്കൾക്കിടയിൽ ഉള്ള പ്രശ്നത്തിൽ ഇടപെടുകയാണ് ഉണ്ടായതെന്ന് മന്ത്രി തന്നെ വ്യക്തമാക്കിയിട്ടുണ്ടെന്ന് മുഖ്യമന്ത്രി.

തിരുവനന്തപുരം : പീഡനക്കേസ് ദുർബലപ്പെടുത്താൻ മന്ത്രി എ കെ ശശീന്ദ്രൻ ശ്രമിച്ചിട്ടില്ലെന്ന് മുഖ്യമന്ത്രി പിണറായി വിജയൻ. എൻസിപി നേതാക്കൾക്കിടയിൽ ഉള്ള പ്രശ്നത്തിൽ ഇടപെടുകയാണ് ഉണ്ടായതെന്ന് മന്ത്രി തന്നെ വ്യക്തമാക്കിയിട്ടുണ്ട്. പാർട്ടി കാര്യം എന്ന നിലയിലാണ് മന്ത്രി വിളിച്ചത്.

പാർട്ടി പ്രവർത്തകനായ പരാതിക്കാരൻ മറ്റൊരു തലത്തിലേക്ക് എത്തിയത് മന്ത്രി അറിഞ്ഞില്ല. കേസിനെ നേരിട്ട് അനുസരിച്ച് നടപടി ഉണ്ടാകും. പെൺകുട്ടിക്ക് പൂർണ സംരക്ഷണം സർക്കാർ ഉറപ്പുവരുത്തും. യുവതിയുടെ പരാതിയിൽ എഫ്ഐആർ ഇടാൻ വൈകിയത് നടക്കാൻ പാടില്ലാത്തതാണ്. ഇക്കാര്യം പ`ലീസ് മേധാവി അന്വേഷിക്കുമെന്നും മുഖ്യമന്ത്രി നിയമസഭയിൽ പറഞ്ഞു.