എറണാകുളം : പുതുക്കിയ മിനിമം കൂലി നിയമം നടപ്പാക്കണമെന്നാവശ്യപ്പെട്ട് കിറ്റക്‌സിന് നല്‍കിയ നോട്ടിസ് തൊഴില്‍വകുപ്പ് മരവിപ്പിച്ചു. മിനിമം കൂലി നടപ്പാക്കുന്നില്ലെന്ന് കാണിച്ച് ജൂണ്‍ 30ന് പെരുമ്പാവൂര്‍ അസിസ്റ്റന്‍റ് ലേബര്‍ ഓഫീസറായിരുന്നു നോട്ടിസ് നല്‍കിയത്.
2019 ലെ മിനിമം കൂലി ശുപാര്‍ശകള്‍ നടപ്പാക്കിയില്ലെന്ന് കാണിച്ചായിരുന്നു നടപടി. എന്നാല്‍ ഈ ഉത്തരവ് ഹൈക്കോടതി 2021 മാര്‍ച്ച് 26 ന് ഇടക്കാല ഉത്തരവിലൂടെ സ്‌റ്റേ ചെയ്തതാണെന്നും നോട്ടിസ് കോടതിയലക്ഷ്യമാണെന്നും സൂചിപ്പിച്ച് ജൂലൈ ഒന്നിന് കിറ്റക്‌സ് ലേബര്‍ സെക്രട്ടറിക്ക് വക്കീല്‍ നോട്ടീസ് അയച്ചിരുന്നു.
also read: 'കിറ്റക്‌സിനോട് രാഷ്ട്രീയ വൈരാഗ്യമില്ല' ; പദ്ധതിക്ക് ഇപ്പോഴും സര്‍ക്കാര്‍ പിന്തുണയെന്ന് പി. രാജീവ്
ഹൈക്കോടതി സ്‌റ്റേയെക്കുറിച്ച് അറിഞ്ഞിരുന്നില്ലെന്നാണ് നടപടിയില്‍ നിന്നും പിന്‍വാങ്ങിക്കൊണ്ടുള്ള കുറിപ്പില്‍ അസിസ്റ്റന്‍റ് ലേബര്‍ ഓഫിസര്‍ വിശദീകരിക്കുന്നത്.
