എറണാകുളം : പൊലീസ് ഉദ്യോഗസ്ഥനെ ബൈക്ക് മോഷ്ടാവ് കുത്തിപ്പരിക്കേൽപ്പിച്ചു. എളമക്കര സ്റ്റേഷനിലെ എ.എസ്.ഐ ഗിരീഷ് കുമാറിനെയാണ് എച്ച്.എം.ടി കോളനിയിലെ ബിച്ചു ആക്രമിച്ചത്. ഇടപ്പള്ളിയിൽ പുലർച്ചെ നാല് മണിയോടെയായിരുന്നു സംഭവം.
വാഹന പരിശോധനയ്ക്കിടെയാണ്, കളമശ്ശേരിയിൽ മോഷ്ടിച്ച ബൈക്കുമായി ബിച്ചുവിനെ പൊലീസ് പിടികൂടിയത്. സ്റ്റേഷനിലേക്ക് കൊണ്ടുപോകാൻ ശ്രമിക്കുന്നതിനിടെ ഇയാൾ ഗിരീഷ് കുമാറിനെ കുത്തുകയായിരുന്നു.
ഇടപ്പള്ളിയിൽ മോഷണശ്രമം തടയുന്നതിനിടെ എ.എസ്.ഐക്ക് കുത്തേറ്റു, പ്രതി പിടിയിൽ
കുത്തി പരിക്കേൽപ്പിച്ചശേഷം രക്ഷപ്പെടാൻ ശ്രമിച്ച ഇയാളെ പൊലീസ് പിടികൂടി. അറസ്റ്റ് രേഖപ്പെടുത്തിയ പ്രതിയെ ഇന്ന് കോടതിയിൽ ഹാജരാക്കും. കൈക്ക് പരിക്കേറ്റ ഗിരീഷ് കുമാറിനെ സ്വകാര്യ ആശുപത്രിയിൽ പ്രവേശിപ്പിച്ചു.
