കണ്ണൂർ: പയ്യന്നൂരില്‍ ആർഎസ്എസ് ഓഫിസായ രാഷ്ട്ര ഭവനിന് നേരെ ബോംബേറ്. ഇന്ന് പുലർച്ചെ 1.30ഓടെയായിരുന്നു ആക്രമണം. ബോംബേറിൽ ഓഫിസിൻ്റെ മുൻവശത്തെ ജനൽച്ചില്ലുകൾ തകർന്നു. ആളപായമില്ല.
ബോംബാക്രമണമുണ്ടായ ആര്‍എസ്‌എസ്‌ ഓഫിസിന്‍റെ ദൃശ്യങ്ങള്‍
സംഭവസമയത്ത് ഓഫിസിലുണ്ടായിരുന്ന പ്രവർത്തകർ തലനാരിഴയ്ക്കാണ് രക്ഷപ്പെട്ടത്. ആക്രമണത്തിന് പിന്നിൽ സിപിഎം ആണെന്ന് ആർഎസ്എസ് നേതൃത്വം ആരോപിച്ചു. ബിജെപി-ആർഎസ്എസ് പ്രവർത്തകർ കൊലപ്പെടുത്തിയ പയ്യന്നൂർ രാമന്തളിയിലെ സിപിഎം - ഡിവൈഎഫ്ഐ പ്രവർത്തകനായ ധനരാജിൻ്റെ ചരമവാർഷികം കഴിഞ്ഞ ദിവസമായിരുന്നു. ഇതിനു പിന്നാലെയാണ് ആക്രമണമുണ്ടായത്.
