കണ്ണൂർ: സൈബർ ഇടങ്ങളിലെ ട്രെൻഡിനൊപ്പം ചേർന്ന് സിപിഎം നേതാവ് പി. ജയരാജനും. മമ്മൂട്ടി ചിത്രം ഭീഷ്‌മപർവത്തിലെ വൈറലായ 'ചാമ്പിക്കോ' എന്ന സീനാണ് ജയരാജനും സഖാക്കളും ചേർന്ന് പുനരാവിഷ്‌കരിച്ചത്. തങ്ങളുടെ പ്രിയ നേതാവിന്‍റെ വീഡിയോ അണികൾക്കിടയിലും വലിയ തരംഗമാണ് സൃഷ്‌ടിച്ചത്.
പുറത്തുവന്ന വീഡിയോയിൽ സ്ലോ മോഷനിൽ നടന്നു വന്ന് പാർട്ടി സഖാക്കൾക്കൊപ്പം മാസായി കാലിൻമേൽ കാൽ വെച്ചിരുന്ന് 'ചാമ്പിക്കോ' എന്ന മമ്മൂട്ടിയുടെ ഡയലോഗ് പറഞ്ഞ ശേഷം ഗ്രൂപ്പ് ഫോട്ടോയ്ക്ക് പോസ് ചെയ്യുകയാണ് അദ്ദേഹം. ജയരാജന്‍റെ മകന്‍ ജെയിന്‍ രാജ് ആണ് ഫോട്ടോഷൂട്ടിന്‍റെ വീഡിയോ 'തലൈവര്‍' എന്ന തലക്കെട്ടോടെ സമൂഹമാധ്യമത്തില്‍ പോസ്റ്റ് ചെയ്തത്.
ALSO READ: ഫിയോക്ക് യോഗത്തില്‍ ദിലീപിനൊപ്പം വേദി പങ്കിട്ട് രഞ്ജിത്ത്; രഞ്ജിത്തിനെ അഭിനന്ദിച്ച് ദിലീപ്
പിന്നാലെ പാർട്ടി പ്രവർത്തകരും ഏറ്റെടുത്തതോടെ വീഡിയോ വൈറലാവുകയായിരുന്നു. ഭീഷ്‌മപർവം എന്ന ചിത്രം പുറത്തിറങ്ങിയതിന് പിന്നാലെ കോളജ്, സ്‌കൂൾ, ഓഫീസുകൾ എവിടെ ഗ്രൂപ്പ് ഫോട്ടോ ഉണ്ടോ അവിടെ മമ്മൂട്ടിയുടെ ‘ചാമ്പിക്കോ’ ഡയലോഗ് ഉറപ്പാണ്. ഈ ട്രെൻഡിനൊപ്പമാണ് ഇപ്പോൾ ജയരാജനും സഞ്ചരിച്ചത്.
