കണ്ണൂർ: സിപിഎം 23ാം പാർട്ടി കോൺഗ്രസ് അന്തിമഘട്ടത്തിലേക്ക് കടക്കുമ്പോൾ സിപിഎമ്മിന്‍റെ രാഷ്ട്രീയ തലസ്ഥാനമായ കണ്ണൂരിൽ ആവേശം അലയടിക്കുന്നു. നാലാം ദിനത്തിൽ പാർട്ടി കോൺഗ്രസ് നടക്കുന്ന നായനാർ അക്കാദമിക്ക് പുറത്ത് നേതാക്കളെയും മറ്റും കാണാനായി വലിയ ജനക്കൂട്ടമാണ് രാവിലെ മുതൽ. മുഖ്യമന്ത്രി പിണറായി വിജയനെയും ദേശീയ നേതാക്കളെയും ഹർഷാരവത്തോടെയാണ് പ്രവർത്തകർ സ്വീകരിച്ചത്.
സംസ്ഥാനത്തിന്‍റെ വിവിധ ഭാഗങ്ങളിൽ നിന്നുള്ള നിരവധി പ്രവർത്തകരാണ് സമ്മേളന വേദിയിലേക്ക് എത്തിയത്. ചെമ്പതാകകളും മുദ്രാവാക്യങ്ങളുമായി മുഖരിതമാണ് സമ്മേളന വേദി പരിസരം. ഇതര സംസ്ഥാനങ്ങളിൽ നിന്നുള്ള പ്രവർത്തകരും കണ്ണൂരിൽ എത്തിയിട്ടുണ്ട്.
